د عدلیې وزارت په تېرو ۹ میاشتو کې ۶۴ خیریه بنسټونو ته د فعالیت جواز صادر کړی دی

waheed
چهارشنبه ۱۴۰۱/۴/۸ - ۱۱:۴۵

د عدلیې وزارت په تېرو ۹ میاشتو کې ۶۴ خیریه بنسټونو ته د فعالیت جواز لیک صادر کړی چې له دې جملې څخه ۵۹ جواز لیکونه نوي او ۵ نور یې تمدېدي ول.

دغه جواز لیکونه د عدلیې وزارت د انسجام لوی ریاست له لوري له پړاوونو تېر او صادر شوي دي. همدا راز دې وزارت ۲۷ تنو نورو غوښتونکو ته د ټولنې د فعالیت جواز لیک صادر کړی چې له دې جملې څخه ۲۵ جواز لیکونه نوي او ۲ نور يې تمدېد شوي دي.

د عدلیې وزارت په دې موده کې ټولنو او خیريه بنسټونو ته د فعالیت د ۹۱ جواز لیکونو له صادرولو څخه ۸۷۵ زره افغانۍ عواید راټول او د اسلامي امارت خزانې ته یې تحويلې کړي دي.

د عدلیې وزارت د انسجام د ریاست د بررسۍ هیئت په دې موده کې د ټولنو او خیریه بنسټونو ۵۳ دفترونه او د هغو کړنې یې څارلي او کنترول کړي  او له ۴۰ څخه زیاتې ټولنې او خیریه بنسټونه يې غیر فعاله تثبیت کړي دي.

دغه ریاست د ټولنو او خیریه بنسټونو د سندونو د پړاوونو د تېرولو په برخه کې هم یو لړ آسانتیاوې را منځ ته کړي چې له دې جملې څخه د خیریه بنسټ د جواز لیک د غوښتونکي لخوا د بانکي سټيټمنټ له ۲ میلیونه افغانیو څخه ۵۰۰ زره افغانیو ته راښکته کیدل، په دې اداره کې د ټولنو او خیریه بنسټونو د ثبت لپاره د یو منظم ډیټابېس جوړول او په حرفوي، صنفي او تخصصي برخو کې حقیقي اشخاصو ته د ټولنې د فعالیت جواز لیک ورکول یادولای شو.Top of Form

تازه خبرونه

دوشنبه ۱۴۰۳/۱/۲۰ - ۱۰:۵۰
Background image

تېره اوونۍ په کابل کې ۱۹۱ تنو ته حقوقي عامه پوهاوی وړاندې شو

د عدلیې وزارت د حقوقي مرستو رياست په کابل ښار کې د تېرې اوونۍ په ترڅ کې ۱۹۱ تنو ته حقوقي عامه پوهاوی وړاندې کړی دی.
دغه ریاست په یاده موده کی د حقوقي عامه پوهاوي برنامې د کابل ښار په ۳. . .

یکشنبه ۱۴۰۳/۱/۱۹ - ۱۳:۵۱
Background image

دوه ګوندونه او ۷۵ ټولنې د غیرقانوني فعالیت په دلیل امنیتي ارګانونو ته معرفي شول

د افغانستان اسلامي امارت د عدلیې وزارت د تېر یو کال په اوږدو کې دوه سیاسي ګوندونه او ۷۵ ټولنې د غیرقانوني فعالیت په دلیل امنیتي ارګانونو ته معرفي کړي دي.

د یاد وزارت د ټولنو او ټولنيزو. . .

یکشنبه ۱۴۰۳/۱/۱۹ - ۱۳:۳۵
Background image

۲۲ متقاضیانو ته د معاملاتو د لارښوونې د فعالیت جوازلیکونه وویشل شول

د عدليې وزارت د انسجام لوی ریاست د معاملاتو د لارښوونې او د عریضه لیکونکو چارو ریاست د روژې د میاشتې په ۲۸ نېټه د یکشنبې په ورځ یو شمېر غوښتونکو ته، د معاملاتو د لارښوونې د فعالیت. . .

BACK TO NEWS