د ویندوی دفتر او د خبر رسونې مسؤله مرجع
مولوي عبدالحمید (جهادیار) د عدلیې وزارت ویاند
لنډه پېژندنه:
مولوي عبدالحمید (جهادیار) د مولوي محمدشریف (جهادیار) زوی د عبدالرحمن لمسی چې د لغمان ولایت د مهترلام ښار د کچورشمټي قریې د سندرخیلو د کلي اصلي اوسیدونکی دی په ۱۴۱۷ هجري سپوږمیز کال د ذی القعدې د میاشتې په ۲۳ نېټه،چې د ۱۳۷۶ هـجري لمریز کال د وري د میاشتې د ۱۳ نېټې او د۱۹۹۷ زیږدیز کال د اپریل د میاشتې له ۲ نېټې سره سمون خوري د هجرت په کور ګاونډي هېواد پاکستان پېښور نوښار روډ د شیخ احمد بابا سټاپ ډيرې د زرداد کلي په یو دینداره او شهید پروره جهادي کورنۍ کې زیږیدلی دی.
عصري او لومړنۍ دیني زده کړې:
مولوي عبدالحمید(جهادیار)خپلې لومړنۍ دیني زده کړې په کوچنیوالي کې له خپل محترم پلار مولوي محمدشریف(جهادیار)څخه پیل کړې،چې د اعدادیې، اولې درجې، تجوید او د قرآن کریم ترجمه او تفسیر یې له خپل پلار څخه ولوستل.
او له دې سره سره یې عصري زدکړې د ننګرهار ولایت بټي کوټ ولسوالي کې د الندوة العالمیة للشباب الاسلامي مؤسسې لخوا جوړ شوي روزنتون کې پیل کړې او په یاد روزنتون کې یې تر نهم ټولګي پورې عصري زدکړې تکمیل او له متوسطې دروې څخه په اعلی درجه فارغ شو.
فنون، وړه دوره، تکمله او لویه دوره:
د مولوي عبدالحمید (جهادیار) پلار د د یني علومو سره د زیاتې میني او د خپل زوی استعداد ته په کتو سره خپل زوی له عصري علومو څخه جلا او د ننګرهار ولایت د دیني علومو په یو ستر علمي مرکز امام ابویوسف (رح) جامعې په دوهمه درجه کې په ۱۴۳۱ ه ق کې شامل کړ، چې په یاده جامعه کې یې فنون ، تکمله او وړه دوره په ښه انداز ولوستل او په ممتاز کدر اعلی درجه ترې فارغ شو، له دې وروسته یې په یاده جامعه کې د احادیثو دوره او اړونده اړین علوم د دوو کلونو په جریان کې په منظم ډول ولوستل، چې د یادې جامعې د احادیثو د دوه کلنې لویې دورې څخه په ۱۴۴۲ هـ ق کال ، په اعلی ممتاز کدر اول نمره فارغ او په یو پرتمین مجلس کې ورته د فضلیت دستار ور په سر کړل شو، او ټولنې او اسلامي نظام ته یې د خدمت په موخه مټې ونغاړلې.
ژبې:
مولوي عبدالحمید (جهادیار) له خپلې مورنۍ ژبې پښتو سربېره په عربي او دري ژبو خبرې، لیکنې او ژباړې کوي،چې په عربي ژبه کې د العربیة بین یدیک سلسلې سربېره د لبنان او سوریې د مشهورو انلاین اکاډمیو څخه دوه کاله مسلسلې زده کړې کړي، او په یاده برخه کې یې ستاینلیکونه هم ترلاسه کړي، همدا راز له انګلیسي سره هم یو اندازه بلدتیا لري.
لنډ مهاله علمي مهارتونه او زده کړې:
مولوي عبدالحمید (جهادیار) له دیني زده کړو سره سره د کمپیوټر په برخه کی د ایم ایس آفس ((Ms. Office پروګرامونه او د انټرنټ لومړنۍ زده کړې ترسره کړي چې په یادو پروګرامونو کې پوره بلدتیا لري او عملي کار یې هم ترسره کړی دی.
د ویناوالي برخه:
مولوي عبدالحمید (جهادیار) د دیني علومو د تحصیل په جریان د وینا والۍ برخه کې منظم علمي سیمناورنه او انجمونه تعقیب کړي، چې له نیکه مرغه په یاده برخه کې یې ډالۍ اوستاینلیکونه هم تر لاسه کړي.
د لیکوالۍ برخه کې:
مولوي عبدالحمید (جهادیار) په لیکوالي برخه کې د دیني علومو تحصیل سره سره لنډ مهاله سمینارونه، تعقیب کړي او په یاده برخه کې څوکاله عملي تجربه هم لري، او د اسلامي امارت له فرهنګي برخې او مشهورو سایټونو، سره د همکار لیکوال په توګه پاتې شوی دی.
لیکنې او ژباړل شوي مواد:
مولوي عبدالحمید (جهادیار)د لیکوالۍ په برخه کې (اسلام کې د ماشوم روزنه) تر عنوان لاندې یوه رساله لیکلې او همدا ډول یې (الحراسة فی الاسلام) رساله له عربې ژبې څخه پښتو ژبې ته ژباړلې، په همدې توګه یې په لسګونو علمي مقالې لیکلي. او له عربي او دري ژبوڅخه یې یو تعداد مضامین هم ژباړلي.
ټولنيز او جهادي فعاليتونه:
مولوي عبدالحمید جهادیار د اسلامي امارت د نظامي ډګر ملګرتیا سره د اجتماعي رسنیو فعال هم پاتې شوی، او په یادو رسنیو کې یې په بېلابېلو حسابونو د اسلامی نظام د حاکمیت او د اذهانو د تنویر په موخه د قلم سپېڅلې مبارزه ترسره کړې، چې لله الحمد تر اوسه یې په لسګونو لیکنې، مقالې نشر شوي او د اسلامي نظام د قیام په موخه یې لازمه مبارزه ترسره کړې.
دندې او مسؤلیتونه.
مولوي عبدالحمید(جهادیار) د اشغال پرمهال د دعوت ارشاد او فرهنګي برخې د یو فعال همکار په صفت په یاده برخه کې د پام وړ فعالیتونه ترسره کړي، او له فتحې وروسته یې د ننګرهار ولایت په عدليې ریاست کې د مالي اداري عمومي مدیر، د عدلیې وزارت د مقام د سکرتر، د عدلیې وزارت د داخلي پلټنې د ریاست د کنترول او نظارت د آمر په حیث دندې ترسره کړي، چې اوس مهال د یاد وزارت د ویاند او د عامه اړیکو د آمر په حیث سپېڅلې دنده ترسره کوي، نوموړي ته په علمي چارو کې د پرمختګ او د اسلامي نظام د خدمت په برخه کې د توفیق غوښتنه کوو.
د افغانستان اسلامي امارت د عدليې وزارت د ټولیزو رسنیو د قانون او اطلاعاتو ته د لاسرسي د قانون له حکمونو سره سم د رسنیو او هېوادوالو په وړاندې کولو ځواب ویلو څخه ژمن دی او تل د دې ادارې د خدمتونو په هکله د اطلاعاتو وړاندې کولو ته چمتو دی.
هغه محترمې رسنې چې د وزارت د فعالیتونو په برخه کې اطلاعاتو ته اړتیا لري کولای شي د وزارت د ویندوی له دفتر او د خبر د رسونو له مسؤلې مرجع سره همغږي وکړي او د خپلې اړتیاور اطلاعات د حضوري او تلفوني خبرو او نورو معمولو تګلارو له لارې ترلاسه کړي.
دغه راز هغه هېوادوال چې د دې وزارت د فعالیتونو په هکله د بېلابېلو اطلاعاتو د ترلاسه کولو غوښتونکي وي، خپلې پوښتنې دې د اطلاعاتو د غوښتنې فورم له لارې طرحه او د ویندوی د دفتر اطلاعاتو ته د لاسرسي مسؤل ته چې مشخصات او له هغه سره د اړیکو لارې د دې مخ په پای کې درج دي، وسپاري. د اړتیاور اطلاعاتو به اطلاعاتو ته د لاسرسي د قانون پربنسټ له ټاکلي وخت سره سم د محترمو غوښتونکو په واک کې ورکړ شي.
د اطلاعاتو د غوښتنې له فورم څخه د ګټې اخیستنې لارښود
لاندې لینک په مخ په کلیک سره، د اطلاعاتو د غوښتنې فورم دانلود او ډک کړئ. له هغه وروسته هغه د تحریراتو ریاست د مطبوعاتو د آمریت اطلاعاتو ته د لاسرسي مسؤل ته وسپارئ.
دغه راز کولای شې د ایمیل له لارې د اطلاعاتو د غوښتنې غوښتنلیک وړاندې کړئ. خو له هغه څخه مخکې لاندې بریښنايې لیک ته ولېږئ.
د اطلاعاتو د غوښتنې بریښنايې فورم دانلود کړئ
د اطلاعاتو د وړاندې کولو میعاد
د خبر رسولو مسؤل مکلف دی ترڅو غوښتل شوي اطلاعات ډیر ژر د لسو ورځو په موده کې تاسو ته ولېږي، د مؤجه دلیلونو د شتون په صورت کې دغه موده تر نورو لسو ورځو پورې تمدیدیداې شي.
د خبر رسولو مسؤل د هغو افرادو شخصي اطلاعات چې (نوم، تخلص، د استوګنې د ځای، او د کار د ځای پته، د شخصي او کورني ژوندانه وضعیت، د روغتیايې سندونه، یادداښتونه، مراسلې، بانکي حساب، د تیریدو رمز او نور اطلاعات چې د هغه له رسمي دندو سره اړیکه ونه لري) په ګډون تاسو ته نه شي درکولی. رسنیو او ژورنالستانو ته د اطلاعاتو وړاندې کول او د اشخاصو د خوندیتوب او د شخصي د سر د آزادۍ د ساتني په منظور د دې حکم تابع نه دي.
ممنوعیتونه
لاندې اطلاعات وړاندې کول، ممنوع دي:
په هغه صورت کې چې خپلواکي، ملي واکمني، ځمکنۍ بشپړتیا او عامه امنیت له خطر سره مخامخ کړي.
په هغه صورت کې چې له نورو هېوادونو سره د افغانستان د سیاسي، اقتصادي او فرهنګي اړیکو د شلیدو لامل شي.
په هغه صورت کې چې د شخص سر او مال له خطر سره مخامخ شي.
په هغه صورت کې چې د جرم د کشف خنډ یا د جرم د ارتکاب د مخنیوي خنډ شي.
په هغه صورت کې چې د تورن د کشف، څېړنې او تعقیب یا په دې برخه کې د احتیاطي تدبیرونو د نیولو بهیر ګډوډ کړي.
په هغه صورت کې چې د عادلانه محاکمې یا د حکم د تنفیذ بهیر ګډوډ کړي.
په هغه صورت کې چې د شخص خصوصي حریم نقض کړي.
په هغه صورت کې چې اطلاعاتو په سوداګریزو موضوعګانې، شخصي ملکیتونو او په بانکي حساب پورې اړه ولري.
اطلاعاتو ته د لاسرسي قانون پرله پسې شمېره ۱۳۵۸
عبدالرحمن "احمدی" دخبر رسونې مسؤل
داړیکې شمېره: 0794866252
ایمیل آدرس: moj.afghanistan@gmail.com
پته: دعدلیې وزارت څلورم منزل