د نیمروز ولایت د عدلیې رياست او د موټر پلورونکو اتحادیې ترمنځ د همغږۍ ناسته جوړېدل
د نیمروز ولایت د عدلیې رياست او د یاد ولایت د موټر پلورونکو اتحادیې مسؤولينو ترمنځ د همغږۍ ناسته د محرم الحرام د مياشتې په ۱۸ مه نېټه د چهارشنبې په ورځ د عدلیې رئيس مولوي عبدالوارث خليل او د یادې اتحادیې مسؤولینو او استازو په ګډون سره د عدلیې رياست په مقر کې جوړه شوه.
په یاده ناسته کې د نیمروز ولایت د عدلیې رئيس د موټر پلورونکو اتحادیې مسؤولينو سره د خبرو پر مهال ټینګار وکړ چې موټر پلورونکي باید خپل فعاليتونه د افغانستان اسلامي امارت د قوانينو مطابق ترسره کړي.
همدارنګه په یاده ناسته کې د نیمروز د موټر پلورونکو اتحادیې مسؤولینو او استازو خپلې ستونزې شریکې کړې چې د عدلیې رياست له لوري یې د حل په موخه ډاډ ورکړل شو.
