د ویندوی دفتر او د خبر رسونې مسؤله مرجع

مولوی محمد اکرام "سالار" د عدليې وزارت وياند

لنډه پېژندنه:

مولوي محمد اکرام سالار د مولوي عبدالولي زوي او د حاجي سید محمد مرحوم لمسی د لغمان ولايت د الینګار ولسوالۍ د سنګر قریې اوسیدونکی دی.

لومړنۍ زده کړې:

مولوي محمد اکرام سالار د قرآن مجید د حفظ کولو دپاره دکوزې پښتون خوا د مردان سیمې په دارالعلوم انوارمحمدیه چې مشهوره په شهیدانو مدرسه ده داخله واخیسته چې په یو نیم کال کې یې د قرآن مجید د حفظ دستار فضیلت په سر کړو.

حفظ نه وروسته یې د ابتدایې کتابونو زده کړې له خپل والد صاحب څخه پېل کړې او بيا يې په مدرسه دارالعلوم ربانیه فریدیه کې زده کړې پیل کړې چې تر ثاني پورې کتابونه یې ولوستل.

منځنۍ زده کړې:

منځنۍ زده کړې یې تر موقوف علیه پورې په دارالعلوم الرحمانیه کې ترسره کړې.

لوړې زده کړې:

لويه دوره د مردان په مشهوره مدرسه دارالعلوم خیرالمدارس کې وکړه او بيا يې په جامعه دارالعلوم الرحمانیه کې د فقهې او افتاء یوکلن تخصص تر سره کړ.

عصري زده کړې :

مولوي محمداکرام تر لسم ټولګي پورې عصري زده کړې کړي دي چې تراووم (۷) ټولګي پورې اول نمره وه.

ټولنيز او علمي فعاليتونه:

مولوي محمد اکرام د تخصص تر سره کولو نه وروسته د عدلیې وزارت د ویاند په حیث وګمارل شو چې تر اوسه پورې په همدې مسولیت بوخت دی.

 الله تعالی دې ورته د صحیح خدمت کولو توفیق ورکړي آمین بجاه سیدالمرسلین.

د کمپیوټر په برخه کې د ام اس آفیس ((M.s Office او آټوکیډ (AutoCAD) درسونه وییلي دي.

ژبې

پښتو، دري او اردو

د افغانستان اسلامي امارت د عدليې وزارت د ټولیزو رسنیو د قانون او اطلاعاتو ته د لاسرسي د قانون له حکمونو سره سم د رسنیو او هېوادوالو په وړاندې کولو ځواب ویلو څخه ژمن دی او تل د دې ادارې د خدمتونو په هکله د اطلاعاتو وړاندې کولو ته چمتو دی.

هغه محترمې رسنې چې د وزارت د فعالیتونو په برخه کې اطلاعاتو ته اړتیا لري کولای شي د وزارت د ویندوی له دفتر او د خبر د رسونو له مسؤلې مرجع سره همغږي وکړي او د خپلې اړتیاور اطلاعات د حضوري او تلفوني خبرو او نورو معمولو تګلارو له لارې ترلاسه کړي.

دغه راز هغه هېوادوال چې د دې وزارت د فعالیتونو په هکله د بېلابېلو اطلاعاتو د ترلاسه کولو غوښتونکي وي، خپلې پوښتنې دې د اطلاعاتو د غوښتنې فورم له لارې طرحه او د ویندوی د دفتر اطلاعاتو ته د لاسرسي مسؤل ته چې مشخصات او له هغه سره د اړیکو لارې د دې مخ په پای کې درج دي، وسپاري. د اړتیاور اطلاعاتو به اطلاعاتو ته د لاسرسي د قانون پربنسټ له ټاکلي وخت سره سم د محترمو غوښتونکو په واک کې ورکړ شي.

د اطلاعاتو د غوښتنې له فورم څخه د ګټې اخیستنې لارښود

لاندې لینک په مخ په کلیک سره، د اطلاعاتو د غوښتنې فورم دانلود او ډک کړئ. له هغه وروسته هغه د تحریراتو ریاست د مطبوعاتو د آمریت اطلاعاتو ته د لاسرسي مسؤل ته وسپارئ.

دغه راز کولای شې د ایمیل له لارې د اطلاعاتو د غوښتنې غوښتنلیک وړاندې کړئ. خو له هغه څخه مخکې لاندې بریښنايې لیک ته ولېږئ.

د اطلاعاتو د غوښتنې بریښنايې فورم دانلود کړئ

د اطلاعاتو د وړاندې کولو میعاد

د خبر رسولو مسؤل مکلف دی ترڅو غوښتل شوي اطلاعات ډیر ژر د لسو ورځو په موده کې تاسو ته ولېږي، د مؤجه  دلیلونو د شتون په صورت کې دغه موده تر نورو لسو ورځو پورې تمدیدیداې شي.

د خبر رسولو مسؤل د هغو افرادو شخصي اطلاعات چې (نوم، تخلص، د استوګنې د ځای، او د کار د ځای پته، د شخصي او کورني ژوندانه وضعیت، د روغتیايې سندونه، یادداښتونه، مراسلې، بانکي حساب، د تیریدو رمز او نور اطلاعات چې د هغه له رسمي دندو سره اړیکه ونه لري) په ګډون تاسو ته نه شي درکولی. رسنیو او ژورنالستانو ته د اطلاعاتو وړاندې کول او د اشخاصو د خوندیتوب او د شخصي د سر د آزادۍ د ساتني په منظور د دې حکم تابع نه دي.

ممنوعیتونه

لاندې اطلاعات وړاندې کول، ممنوع دي:

په هغه صورت کې چې خپلواکي، ملي واکمني، ځمکنۍ بشپړتیا او عامه امنیت له خطر سره مخامخ کړي.
په هغه صورت کې چې له نورو هېوادونو سره د افغانستان د سیاسي، اقتصادي او فرهنګي اړیکو د شلیدو لامل شي.
په هغه صورت کې چې د شخص سر او مال له خطر سره مخامخ شي.
په هغه صورت کې چې د جرم د کشف خنډ یا د جرم د ارتکاب د مخنیوي خنډ شي.
په هغه صورت کې چې د تورن د کشف، څېړنې او تعقیب یا په دې برخه کې د احتیاطي تدبیرونو د نیولو بهیر ګډوډ کړي.
په هغه صورت کې چې د عادلانه محاکمې یا د حکم د تنفیذ بهیر ګډوډ کړي.
په هغه صورت کې چې د شخص خصوصي حریم نقض کړي.
په هغه صورت کې چې اطلاعاتو په سوداګریزو موضوعګانې، شخصي ملکیتونو او په بانکي حساب پورې اړه ولري.

اطلاعاتو ته د لاسرسي قانون پرله پسې شمېره ۱۳۵۸

عبدالرحمن "احمدی" دخبر رسونې مسؤل

داړیکې شمېره: 0766758927

ایمیل آدرس: moj.afghanistan@gmail.com

پته: دعدلیې وزارت څلورم منزل