د افغانستان د اسلامي جمهوریت د لوی څارنوالی د کارکوونکو سپرلي موټر باندې د برید په باره کې د عدليې وزارت د مشرتابه ډاډ ګېرنې پیغام
په ژورې خواشینې او خفګان سره خبر ترلاسه کړه چې د دوشنبه په سهار د کابل ښار د ده سبز په ساحه کې د لوی څارنوالی د کارکوونکو د سپرلی په موټر باندې د برید په پایله کې، د لوی څارنوالی پنځه کارکوونکو ووژل شو.
د افغانستان د اسلامي جمهوریت د عدليې وزارت د لوی څارنوالی د کارکوونکو د سپرلی په موټر باندې برید په کلکه غندي او هغه د افغانستان د خلکو د سولې او ټیکاو د دښمنانو کار بولي.
هغوې په هېواد کې د عدلي خدمتونو د وړاندې کولو او د قانون د واکمنۍ د تحقق په منظور، د دندې د ترسره کولو بوخت دي خو په بده مرغه او په خواشینې سره د عدالت او د امنیت دښمنانو له لوري تروریستی برید پرې وشو.
د افغانستان د اسلامي جمهوریت د عدليې وزارت د هېواد د عدلي او قضايې سکتور له غړو څخه د یوې غړې په توګه ځان د هېواد د دغو خدمتګارو شهیدانو په مصیبت او خفګان کې شریک بولي او د وزارت د مشرتابه او ټولو کارکوونکو د ډاډ ګېرنې او همدردۍ مراتب د لوی څارنوالی محترم مشرتابه او د دغو ګران قدرو شهیدانو درنو کورنیو ته څرګندوي.
د لوی خدای جل جلاله له دربار څخه شهیدانو ته د لوړو درجو، پاتې کسانو ته د صبر او زغم او په عدلي او قضايې سکتور کې همکارانو ته او خلکوته د خدمت د بریالیتوب هیله کوو
