په نیمروز ولایت کې د یو شمېر موټر پلورنځيو نظارت کېدل
د نیمروز ولایت د عدلیې رياست نظارتي پلاوي، د جمادی الأولی د مياشتې په ۲۴ مه نېټه د سه شنبې په ورځ، په یاد ولایت کې له ۳۶ موټر پلورنځيو څخه نظارت ترسره کړ.
د دغه نظارت په ترڅ کې، نظارتي پلاوي د موټر پلورنځيو پر مسوؤلينو ټينګار وکړ چې، دوی باید په سپینو ورقو او جعلي سټوکې د معاملاتو له ترسره کولو ډډه وکړي او خپل فعاليتونه د شريعت په رڼا کې ترسره کړي.
همدارنګه، د دغه نظارت په ترڅ کې د موټر پلورنځيو متصديانو ته توصیه وشوه چې خپلې شته ستونزې او نيمګړتياوې لرې کړي.
د نيمروز ولایت د عدلیې رياست په دوامداره توګه په دغه ولایت کې له اړوندو برخو څخه نظارت ترسره کوي، تر څو د غير قانوني فعاليتونو مخه ونيول شي.
