ملاقات معین مسلکی وزارت عدلیه با هیأتی از وزارت امور داخله
شیخ صاحب عبدالکریم حیدر، معین مسلکی وزارت عدلیه امارت اسلامی افغانستان روز دوشنبه، 7 ذوالقعده با مولوی صاحب محمود، قوماندان قطعه محافظت وزارت امور داخله و هیأت همراه شان در مقر وزارت عدلیه دیدار و گفتگو کرد.
در این دیدار دو طرف در مورد محافظین امنیتی وزارت عدلیه و تشکیل آن بحث وگفتگو نمودند.
قوماندان قطعه محافظت وزارت امور داخله و هیأت همراه شان در این دیدار در مورد قطعه محافظت، تشکیل سال 1401 و اجراآت انجام شده توسط قوماندانی عمومی جلب و جذب و ریاست پیژنتون در راستای تطبیق این تشکیل به معین وزارت عدلیه معلومات دادند.
قوماندان قطعه محافظت وزارت امور داخله در مورد تشکیل محافظین امنیتی وزارت عدلیه نیز معلومات داده گفت که برای حفاظت از وزارت عدلیه 34 نفر منسوبین امنیتی در نظر گرفته شده که شامل یک قوماندان، یک معاون، سه دلگی مشر و 29 نفر محافظ امنیتی می‌باشند.
