د کورونیو چارو وزارت له پلاوي سره د عدلیې وزارت د مسلکي معین کتنه
د افغانستان اسلامي امارت د عدليې وزارت مسلکي معین شیخ صاحب عبدالکریم حیدر د ذوالقعدې په ۷ نېټه د دوشنبې په ورځ د کورونیو چارو وزارت د محافظت قطعې له قوماندان مولوي صاحب محمود او ملګري پلاوي سره یې د عدلیې وزارت په مقر کې وکتل او خبري یې ورسره وکړې.
په دې کتنه کې دواړو لورو د عدليې وزارت د امنیتي ساتونکو او د هغوی د تشکیل په اړه خبرې وکړې.
د کورنیو چارو وزارت د محافظت قطعې قوماندان او ملګري پلاوي یې په دې کتنه کې د محافظت قطعې، د ۱۴۰۱ کال د تشکیل او د دغه تشکیل د تطبیق په برخه کې د جلب او جذب د لوی قومندانۍ او د پیژنتون ریاست په واسطه د ترسره شویو اجراآتو په اړه د عدلیې وزارت معین ته معلومات ورکړل.
د کورنیو چارو وزارت د محافظت قطعې قوماندان د عدلیې وزارت د ساتونکو د تشکیل په برخه کې هم معلومات ورکړل او ويې ویل د عدلیې وزارت د ساتنې لپاره ۳۴ تنه امنیتي منسوبین په پام کې نیول شوي دې چې یو قوماندان، یو مرستیال، ۳ ډلګی مشران او ۲۹ تنه امنیتی ساتونکي پکې شامل دي.
