په کابینه کې د عدليې وزارت له لوري د وړاندې شویو تقنیني سندونو شپږطرحې تصویب شوې

waheed
Thu, Feb 13 2020 9:24 AM
په کابینه کې د عدليې وزارت له لوري د وړاندې شویو تقنیني سندونو شپږطرحې تصویب شوې

د هېواد د عدليې وزیر ډاکتر عبدالبصیر انور د کابینې په هغې غونډه کې چې د روان کال د سلواغې د میاشتې په ۲۱ نېټه د دوشنبې په ورځ د افغانستان د اسلامي جمهوریت د رئیس محمد اشرف غني په مشری جوړه شوه، د اوو تقنیني سندونو طرحې غونډې ته وړاندې کړې چې شپږ طرحې يې په پرنسیپ کې تصویب شوې.

د هېواد دعدليې وزیر په دې غونډه کې د دولتي شرکتونو د قانون د پنځوسمې مادې (۶ او ۹) مقررو د تعدیل، طرحه، د افسرانو، برید ملانو او ساتنمنانو د ذاتي چارو د قانون د ځینو مادو د تعدیل او ایزاد طرحه، د زندانونو د چارو د تنظیم د قانون طرحه، د ښاري ځمکې د بیا تنظیم او د ښاري ځمکې بیا پراختیا د مقررې طرحه، د هوا د ککړتیا او مخنیوي د مقررې د ځینو مادو تعدیل طرحه، د رسنیو او حکومت د ګدې کمېټې د مقررې طرحه او د ښاري غیر رسمي ملکیتونو د چارو د تنظیم د مقررې د ځینو مادو د تعدیل طرحه غونډې ته وړاندې کړه.

د دغو سندونو شپږ لومړني مواردو د کابینې له لوري په پرنسیپ کې تصویب شول او د عدليې وزارت مؤظف کړی شو چې ښار جوړولو او ځمکو وزارت او د نورو اړوندو بنسټونو په همکاری سره د ښاري غیر رسمي ملکیتونو د چارو د تنظیم د مقررې د ځینو مادو د تعدیل طرحه د غونډې له یادونې سره سم تصحیح او د کابینې راتلونکو غونډو ته دې وړاندې کړي.

ډاکتر عبدالبصیر انور د رسنیو او حکومت د ګډې کمېټې د مقررې د طرحې د موخې په باره کې وویل چې دغه مقرره د رسنیزو اشخاصو د امنیت او خونديتوب د تآمینولو، د رسنیزو اشخاصو پرخلاف د تاوتریخوالي قضیو ته د رسیدګي د بهیر د ګړندي کولو، د تاوتریخوالي د کمښت او د رسنیزو کارکوونکو د صنفي او حرفوي حقوقو د تآمینولو او د رسنیو اړوندو دولتي ادارو ترمنځ د همغږۍ د تآمینولو په موخه ترتیب او پړاوونه يې تېر شوي دي.

په دې غونډه کې دغه راز د عدليې وزارت مؤظف کړی شو چې دغه طرحې دې د کابینې له لوري د وړاندې شویو اصلاحي نظریو له مخې تصحیح او وروستي کړي.

Latest news

Tue, Feb 04 2020 2:45 PM
Background image

The Technical Committee of the Commission on Combating Trafficking in Person Convenes its Ninth Meeting

Ninth meeting of the Technical Committee on Combating Human Trafficking convened under the chairmanship of the Head of Human Rights Department of MoJ and the Secretary of the High. . .

Fri, Jan 31 2020 9:23 AM
Background image

Minister of Justice Meets Vice Chancellor of the American University of Afghanistan

H.E Dr Abdul Baseer Anwar, the Minister of justice, last day in his office, met Mr. Arni Arnthorson the Vice Chancellor of American University of Afghanistan in organization and. . .

Thu, Jan 30 2020 12:42 PM
Background image

Press Release       

Thursday, January 30th, 2020

Kabul- Afghanistan

The Ministry of justice denies the news and statements as if expressed by the Ministry of Justice on the number of prisoners in the. . .

BACK TO NEWS