د عدليې وزارت سرپرست د چیکي موسسې د عدالت د پروژې له رئیس سره ولیدل.
د عدليې وزارت سرپرست او نوماند وزیر قضاوت پوه فضل احمد معنوي، د چیکي موسسې د عدالت د پروژې له رئیس اریک پوتزیک سره ولیدل او د عدليې له وزارت سره د دغې موسسې د همکاریو په اړه خبرې اترې وکړې.
دغه لیدنه د سې شنبې ورځې، د تلې په ۸ نېټه تر سره شوه او ښاغلی پوتزیک د عدليې وزارت له حقوقي برخو سره د چيکي دفتر- د عدالت پروژې د همکاریو په اړه خبرې وکړې اوپه دې برخه کې د لازیاتو همکاریو ژمنه یې وکړه.
په دې لیدنه کې د عدليې وزارت سرپرست دې وزارت سره د حقوقي قضیو د رسېدنې په برخه کې د چیکي موسسې له همکاریو څخه قدرداني وکړه او د دغو همکاریو د دوام غوښتونکی شو.
د چیکي دفتر- د عدالت پروژې له ۲۰۱۷ میلادي کال راهيسې د عدليې وزارت په اړوند کې فعالیت لري، چې ډېری فعالیتونه یې د عدليې وزارت په حقوقي برخه کې د تخنیکی او مسلکي همکاریو او د کارکوونکو د ظرفیت لوړولو کې شاملېږي.
