د فراه ولایت له والي سره د یاد ولایت د ځمکو د غصب د مخنیوي د تخنیکي هیئت کتنه
د فراه ولایت د ځمکو د غصب د مخنیوي د تخنیکي هیئت رئیس او غړو د ۱۴۴۵ هجري قمري کال د محرم الحرام د میاشتې په ۲۰ نېټه د یکشنبې په ورځ د فراه ولایت له والي الحاج ملا نور احمد روحاني سره د دغه ولایت په مقر کې وکتل او د یاد هیئت د فعالیتونو راپور یې له نوموړي سره شریک کړ.
په دغې ناسته کې تخنیکي هیئت له دغه هیئت سره د ځانګړې قطعې د نه همکارۍ موضوع هم د یاد ولایت له والي سره شریکه کړه او له نومړي څخه یې دغې موضوع ته د رسیدګۍ غوښتونکی شو.
د فراه ولایت والي د یاد ولایت د تخنیکي هیئت له فعالیتونو څخه مننه او قدرداني څرګنده کړه او لارښوونه یې وکړه چې ځانګړې قطعه دې له دغه هیئت سره په هر حالت او هر وخت کې همکاري وکړي.
