د جوزجان ولایت د ځمکو د غصب د مخنیوي د تخنیکي هیئت د ناستې جوړیدل
د جوزجان ولایت د ځمکو د غصب د مخنیوي د تخنیکي هیئت ناسته د ۱۴۴۵ هجري قمري کال د محرم الحرام میاشتې په ۲ نېټه د چهارشنبې په ورځ د دغه هیئت د رئیس او غړو په حضور سره جوړه شوه.
په دغې ناسته کې، د شبرغان مرکز اړوند د جګدلک کلي او ترکستان ښارګوټي استول شویو دوسیو په اړه بحث او د نظر تبادله وشوه او مخکني توظیف شوي ټیمونو ته دنده ورکړل شوه چې د مرکزي کمېسیون له لارښوونې سره سم د موضوع په تړاو اجراآت ترسره کړي او له خپلو اجراآتو څخه یاده هیئت ته ډاډ ورکړي.
په همدې توګه د شبرغان ښار د مرکز په بابه علي کلي کې د خروټو ناقلینو د اوسیدونکو عریضې په تړاو د یو ټوک دوسیې په اړه بحث او د نظر تبادله ترسره شوه او تخنیکي هیئت د موضوع په تړاو د کار او ټولنیزو ریاست د رئیس په مشرۍ یو ټیم توظیف کړ چې د امارت د قضایاو مسلکي غړو په همکارۍ موضوع په هراړخیز ډول بررسي کړي او تخنیکي هیئت ته راپور وړاندې کړي.
په یاده ناسته کې، د توظیف شویو ټیمونو رئیسانو هم د خپلو ټیمونو د فعالیتونو او د ساحوي کارونو د اجراآتو له پرمختګ څخه مفصل راپور وړاندې کړ.
