د اصلاح د مرکزونو ریاست له مسؤلانو او کارکوونکو سره د مخه ښې مراسم پرځای شول

waheed
شنبه ۱۳۹۹/۳/۲۴ - ۲۰:۲۳
.

د عدليې وزارت د اداري معین سید محمد هاشمي، د ماشومانو د اصلاح او روزنې د مرکزونو د رئیس محمد صدیق صدیقي، د تقنین لوی رئیس عبدالمجید غني زاده، د حقوقي مساعدتونو د لوی رئیسې عزیزې عدالت خواه، د خپرونو او عامه اړیکو د رئیس محمد رحیم دقیق، د کورنې پلتنې د رئیس عبدالغیاث الیاسي او د اصلاح د مرکزونو ریاست د کارکوونکو په شتون د ماشومانو د اصلاح او روزنې د مرکزونو ریاست مسؤلانو او کارکوونکو سره د مخه ښې مراسم پرځای شول.

د ماشومانو د اصلاح او روزنې د مرکزونو مسؤلیت په دې وروستیو وختونو کې د عدليې د وزارت څخه د زندانونو د چارو د تنظیم ادارې ته سپارل شوی دی

.

د عدليې وزارت اداري معین په دغو مراسمو کې په کابل  او ولایتونو کې د دغو مرکزونو د معیاري کولو په کار کې د ماشومانو د اصلاح او روزنې د مرکزونو ریاست له کړوړو څخه قدرداني وکړه.

هغه وویل د عدليې وزارت په هغې موده کې چې د دغو مرکزونو مسؤلیت درلود وکولاې شول په ۱۳ ولایتونو کې د افغانستان د دولت او د ځینو  بین المللي بنسټونو په بودیجې سره له قانون څخه د سرغړونکو ماشومانو د اصلاح او ساتنې لپاره معیاري ودانۍ جوړې کړي. دغه راز دغه وزارت په دې بریالی شوی دی د هېواد په ټولو ولایتونو کې د اصلاح په مرکزونو پورې اړوندې ځمکې برابرې کړي.

.

د عدليې وزارت اداري معین دغه لاسته راورنې د ماشومانو د اصلاح او روزنې د مرکزونو ریاست د مسؤلانو د کار محصول وبالل او هیله يې څرګنده کړه چې د زندانونو د چارو د تنظیم اداره هم وکولاې شي په دې برخه کې زیات کارونه تر سره کړي.

د ماشومانو د اصلاح او روزنې د مرکزونو رئیس محمد صدیق صدیقي هم وویل چې د عدليې له وزارت څخه د زندانونو د چارو د تنظیم ادارې ته د دغو مرکزونو د مسؤلیت او دهغه د کارکوونکو د لېږدونې تصمیم د آزادۍ د سلب په مرکزونو پورې د اړوندو چارو د ښه سمون لپاره نیول شوی دی او هغوې د دغو مرکزونو د ښه والي لپاره د کار په سره  تر کولو ژمن دي

.

په ټول هېواد کې د ماشومانو د اصلاح او روزنې په مرکزونو کې، له قانون څخه سرغړونکي ماشومان او په حجز محکوم ماشومان ساتل کېږي او تر اصلاح او روزنې لاندې نیول کېږي.

د دغو مرکزونو مسؤلیت د تیرو کلونو په بهیر کې د عدليې وزارت پرغاړه وو او د ۱۳۹۸  کال د مرغومي په ۲۵ نېټه دغه مسؤلیت د جمهور رئیس د یو فرمان پربنسټ د زندانونو د چارو د تنظیم ادارې ته وسپارل شو

تازه خبرونه

چهارشنبه ۱۳۹۹/۴/۱۱ - ۹:۵۳
Background image

د اداري فساد د جرمونو خبر ورکوونکو ته د هڅونې مکافات اټکل شوي دي.

د اداري فساد له جرمونو څخه د رامنځته شوو ناقانونه شتمنیو د ستنولو مقرره په کابینې کې له تصویب وروسته د زندانونو د چارو د تنظیم قانون، د پلتڼې د عالي ادارې قانون او د ناریه وسلې او. . .

چهارشنبه ۱۳۹۹/۴/۴ - ۱۱:۵۷
Background image

د افغانستان د اسلامي جمهوریت د لوی څارنوالی د کارکوونکو سپرلي موټر باندې د برید په باره کې د عدليې وزارت د مشرتابه ډاډ ګېرنې پیغام

په ژورې خواشینې او خفګان سره خبر ترلاسه کړه چې د دوشنبه په سهار د کابل ښار د ده سبز په ساحه کې د لوی څارنوالی د کارکوونکو د سپرلی په موټر باندې د برید په پایله کې، د لوی څارنوالی پنځه. . .

شنبه ۱۳۹۹/۳/۳۱ - ۱۳:۴۰
Background image

افغانستان کې د ښځو مقام او وضعیت پېژندنې لومړي ملي کنفرانس ځانګړې مجله چاپ شو.

په افغانستان کې د ښځو د مقام د وضعیت پیژندنې د لومړي ملي کنفرانس ځانګرې مجله چې دې کنفرانس ته له ۶۰ لېږل شوو مقالو څخه ۱۰ غوره مقالې رانغاړي، د عدليې وزارت له لوري چاپ شو.

په افغانستان. . .

BACK TO NEWS