په ننګرهار ولایت کې د ۷۰ جریبه ځمکې بررسي کېدل
د ننګرهار ولایت د ځمکو له غصب څخه د مخنیوي تخنیکي هیئت ناسته د ذوالحجې د مياشتې په ۲۸ مه نېټه د چهارشنبې په ورځ، د دغه هيئت د رئيس او غړو په ګډون جوړه شوه.
د تخنيکي هيئت په دې ناسته کې د یاد ولایت د کامې ولسوالۍ اړوند په ګچ سيمه کې د اویا (۷۰) جریبه ځمکې دوسیه تر بررسۍ لاندې ونيول شوه او پرېکړه وشوه چې د یادې ځمکې متصرفينو ته د لا زیاتو معلوماتو په موخه استعلامونه ورکړل شي.
همدارنګه په دې ناسته کې د ننګرهار ولایت په نورو ساحو کې د غصب شويو ځمکو اړوند یو شمېر دوسیې بررسي شوې او په اړه یې لازم تصاميم ونيول شول.
