د غور، پکتیکا او لوګر ولایتونو د تخنیکي هیئتونو د ناستو جوړیدل

hayat_admin
سه‌شنبه ۱۴۰۱/۱۱/۱۱ - ۱۵:۲۰
.

د غور، پکتیکا او لوګر ولایتونو د ځمکې د غصب د مخنیوي د تخنیکي هیئتونو ناستې ددغو هیئتونو د رییسانو او غړو په حضور سره جوړې شوې او یادو ولایتونو کې د یو شمېر غصب شوو ځمکو په اړه بحث او لازم تصامیم ونیول شول.

د غور ولایت د تخنیکي هیئت ناسته کې د کابل-غور دروازې د ځمکې په ساحه کې چې پشته وردک ها باندې شهرت لري بحث وشو او پریکړه وشوه چې متصرفین یې د امنیه قوماندانۍ لخوا احضار شي او موضوع لازیاته بررسي شي.

دغې ناسته کې، د غور مرکز کې د یو شخص د وقفي ځمکې سندونه  بررسي شوو او پریکړه وشوه چې هغه شاهدان چې نوم یې سند کې یاد شوی حاضر شي. دغه راز د حاجي صحت او حاجي الله داد د هستوګنې د کور د ځمکې د ساحې په اړه پریکړه وشوه چې یو ټیم سیمه له نږدې وګوري او بررسي کړي.

په یاده ناسته کې په فیروز کوه ښار کې د تیلو د یو ټانک باره کې هم بحث وشو او پریکړه وشوه چې غونډو کې یاد ټانک د مالک د عدم حضور په دلیل، وتړل شي.

.

په همدې حال کې، د پکتیکا ولایت د تخنیکي هیئت په ناسته کې د یو لړ مهمو موضوعاتو په اړه بحث وشو او لازم تصمیم ونیول شو.

دغې ناسته کې د یو شمیر اشخاصو عریضې بررسي شوې او یوشمېره اشخاص هم د هیئت راتلونکې غونډې ته وغوښتل شول.

پر دې سربېره، د لوګر ولایت د تخنیکي هیئت ناسته کې، د امنیه وقوماندانۍ د مخدره توکو آمر ددغه ولایت د معتادینو د روغتون د پراختیا له پاره ځمکه وغوښتله.

دغې ناسته کې د پل علم مرکز کې د هوني سفلا، عمر آباد او د یار محمد کاریز د کلیو د ځمکو د هر اړخیزې بررسۍ موضوع په اړه بحث وشو او لازم تصمیمونه ونیول شول.

دغه راز په یاده ناسته کې د یو شمېر اشخاصو عریضې د څاګانو د کېندلو په تړاو بررسي شوې او پریکړه وشوه چې د کمېسیون تر امر ثاني پورې، هرډول کار او فعالیت په دغو ځمکو ودرول شي.

تازه خبرونه

پنجشنبه ۱۴۰۳/۱۲/۲۳ - ۱۰:۱۹
Background image

د کابل ښار په دوهمه ناحیه کې له یو شمېر دارالوکالو څخه نظارت ترسره شو

 د اسلامي امارت د عدلیې وزارت د مدافع وکیلانو ریاست نظارتي پلاوي، د کابل ښار په دوهمه ناحیه کې د یو شمېر دارالوکالو فعالیتونه نظارت او بررسي کړل.
دغه نظارت او بررسي د روژې د مياشتې په ۹. . .

پنجشنبه ۱۴۰۳/۱۲/۲۳ - ۱۰:۶
Background image

د لغمان ولایت د عدلیې او کرنې ریاستونو ترمنځ د همغږۍ ناسته جوړه شوه

 د لغمان ولایت د عدلیې رئيس مولوي عبدالستار حماس، د روژې د مياشتې په ۹ مه نېټه د یکشنبې په ورځ، د یاد ولایت د کرنې له رئيس عبدالستار محمد سره د همغږۍ ناسته جوړه کړه.
په دې ناسته کې چې د. . .

پنجشنبه ۱۴۰۳/۱۲/۲۳ - ۱۰:۰
Background image

د پکتیا ولایت عدلیې رئيس د یاد ولایت د خیریه بنسټونو له یو شمېر مسؤولینو سره وکتل

 د پکتیا ولایت د عدلیې رئيس مولوي فاتح الله فاتح د روژې د مياشتې په ۱۲ مه نېټه د چهارشنبې په روځ، د یاد ولایت د خيریه بنسټونو له یو شمېر مسؤولينو سره د یاد رياست په مقر کې وکتل.
په دې. . .

BACK TO NEWS