د پکتیا ولایت د ځمکو د غصب د مخنیوي د تخنیکي هیئت ناسته جوړه شوه
د پکتیا ولایت د ځمکو د غصب د مخنیوي د تخنیکي هیئت ناسته د شوال میاشت په ۱۳ نېټه د چهارشنبې په ورځ د دغه هیئت د رئیس او غړو په حضور جوړه شوه.
په دغې ناسته کې، د تېرې اوونۍ د اجراآتو راپور وړاندې شو او راتلونکي اوونۍ له پاره پلان عملي طرحه هم جوړه شوه.
دغه هیئت د مرافعې محکمې له رئیس او د هغه له مل پلاوي سره وکتل او د ځمکو د سندونو او نورو اړوندو موضوعاتو په اړه بحث او خبرې وکړې. دواړو لورو د ځمکو د محفوظ او د قیدیت سندونو د ثبت او د محکمې او هیئت ترمنځ د رسمي لیکوونو د تسهیل په اړه خبرې وکړې.
په دغې ناسته کې ټینګار وشو چې د هرې ولسوالۍ محکمې مکلفې دي چې د امارتي ځمکو اړوند معلومات د استعلام یا لیک په ترڅ کې له کمېسیون څخه وغواړي. دغه راز پریکړه وشوه چې د کمېسیون لخوا ځینې استول شوې دوسیې ترتیب او محکمې ته واستول شي.
