هیأت تخنیکی پروان بیش از ۲۵۰ جریب زمین را تثبیت و تشخیص کرد
هیأت تخنیکی جلوگیری از غصب زمین ولایت پروان روز دوشنبه، ۱۱ شوال به ساحات قورخچی، گادی، کوچی و کوه توپ مربوط قسمت دوم خم کلان ولسوالی بگرام رفته و بالای آن اجراآت انجام داد.
هیأت نخست با مردم محل دیدار کرده و درباره فعالیت‌ها و مسوولیت‌های هیأت تخنیکی به آنان معلومات ارایه کرد. همچنین به آنان استعلام‌های معلوماتی توزیع گردید.
هیأت تخنیکی خانه‌ها، زمین‌های زراعتی و شرکت‌های ریگریشن ۲۹ غاصب را بررسی کرده و ۲۵۱.۸۹ جریب زمین را تثبیت و تشخیص کرد. جدول غاصبین نیز به منظور تصفیه ساحه تکمیل گردید.
