برگزاری نشست هماهنگی هیأت تخنیکی ولایت بامیان با مقام این ولایت

هیأت تخنیکی جلوگیری از غصب زمین ولایت بامیان با سرپرستی مولوی محمد ندیم معاذ، رییس عدلیه این ولایت روز دوشنبه، ۲۷ جمادی الاول نشست هماهنگی را با مقام این ولایت برگزار کرده و گزارش دست آوردهای این هیأت را با وی شریک نمود.

در این نشست هیأت تخنیکی ولایت بامیان گزارش تکمیل دوسیه‌های هدایت داده شده از طرف کمیسیون مرکزی را با مقام این ولایت شریک کرده و از تثبیت موازی ۲۷ هزارو ۸۱۹.۷۳ جریب زمین امارتی توسط هیأت تخنیکی در ساحات مختلف ولایت بامیان به مقام این ولایت گزارش داد.

در این نشست هدایت داده شد تا زمین‌های تثبیت شده توسط هیأت تخنیکی ولایت بامیان به بانک زمین‌های این ولایت ثبت گردد.