د باميان ولايت له مقام سره د ياد ولايت د تخنیکي هیئت د همغږۍ ناسته جوړیدل
د باميان ولايت د ځمکو د غصب د مخنیوي تخنیکي هیئت د ياد ولايت د عدلیې رئیس مولوي محمد ندیم معاذ په مشرۍ د جمادي الاول میاشتې په ٢٧ نېټې د دوشنبې په ورځ د ياد ولايت له مقام سره د همغږۍ ناسته جوړه کړه او د دغه هیئت د لاسته راوړنو راپور یې له نوموړي سره شریک کړ.
په دغې ناسته کې د بامیان ولایت تخنیکي هیئت د ياد ولایت له مقام سره د مرکزي کمېسیون له خوا د هدایت شوو دوسیو د بشپړیدو راپور شریک کړ او د بامیان ولایت په بېلابېلو برخو کې د تخنیکي هیئت له خوا د ۲۷ زرو ۸۱۹.۷۳ جریبه امارتي ځمکې له تثبیت څخه د ياد ولایت مقام ته راپور وړاندې کړ.
په دې ناسته کې لارښوونه ورکړل شوه چې د بامیان ولایت تخنیکي هیئت په واسطې تثبیت شوې ځمکه د ياد ولایت د ځمکو په بانک کې ثبت شي.
