په عدلیې وزارت کې ثبت شويو خيريه بنسټونو په تېر یوه کال کې له اړمنو سره څه دپاسه یو میلیارد افغانۍ مرستې کړې دي
د اسلامي امارت په عدلیې وزارت کې ثبت شويو خيريه بنسټونو د ۱۴۰۳ هـجري لمریز کال په ترڅ کې د اړوندو ادارو په همغږۍ د هېواد په کچه اړمنو ته د رسیدګۍ لپاره څهباندې ۱ميليارد او ۱۱۰ميليونه افغانۍ، څه باندې ۳۸۲ زره ډالر، ۲۰۳۰ یورو او ۵۰۰ زره کلدارې مصرف کړي دي.
د یادو خیریه بنسټونو د مالي راپورونو له مخې، دا مرستې په خوراکي او غير خوراکي توکو، درملو، روغتيا، ښوونې، حرفوي زدکړو، لوړو زده کړو او د کارموندنې په برخو کې لګول شوي او راستنېدونکي کډوال، یتیمان، کونډې، د طبیعي پېښو زیانمن او نور اړمن کسان هم ورڅخه برخمن شوي دي.
دا مرستې په دغه وزارت کې د ۱۴۱ ثبت شویو خیریه بنسټونه لخوا ترسره شوي چې ۶۵ بنسټونه په کابل او پاتې نور یې په ولایتونو کې فعالیت لري.
