په بغلان ولايت کې د معاملاتو لارښوونې د څلورو دفترونو تړل کېدل
د بغلان ولایت د عدلیې ریاست نظارتي پلاوي، د ذوالقعدې د مياشتې په ۱۵ مه نېټه د سه¬شنبې په ورځ، د یاد ولایت مرکز پلخمری ښار کې، د معاملاتو لارښوونې له ۳۰ دفترونو څخه نظارت ترسره کړ او د هغو فعالیتونه یې بررسي کړل.
په دې نظارت کې د يادو دفترونو د فعاليت جوازونه، د ثبت کتابونه او نور اړين سندونه بررسي شول چې په ترڅ کې یې، د معاملاتو لارښوونې څلور دفترونه د غير قانوني فعالیت له امله وتړل شول او د معاملاتو لارښوونو د پاتې نورو دفترونو متصدیانو ته د شته نيمګړتياو د اصلاح او د کاري چارو ښه پرمخ وړلو په موخه لازمې توصیې وشوې.
د عدلیې وزارت په مرکز او د عدلیې ریاستونه په ولایتونو کې، په دوامداره توګه له اړوندو برخو څخه نظارت او بررسي ترسره کوي تر څو د غير قانوني فعاليتونو مخه ونيول شي.
