د خیریه بنسټونو له یو شمېر استازو سره د لغمان ولایت د عدلیې رئیس کتنه
د لغمان ولایت د عدلیې رئیس مولوي روح الله روحاني د ربیع الثاني د میاشتې په ۲۹ نېټې د دوشنبې په ورځ په دغه ولایت کې د خیریه بنسټونو له یو شمېر استازو سره د عدلیې ریاست په مقر کې وکتل او خبرې ورسره وکړې.
په دغې ناسته کې، د لغمان ولایت د عدلیې رئیس له پاکستان څخه د راستنیدونکو مهاجرینو د ستونزو یادونه وکړه او د خیریه بنسټونو له استازو څخه یې وغوښتل چې په مالي او غیر مالي برخې کې له هغوی سره مساعدت او همکارۍ وکړي.
د خیریه بنسټونو استازو د لغمان ولایت له عدلیې رئیس سره ژمنه وکړه چې د پاکستان هیواد له راستنیدونکو مهاجرینو سره همکارۍ ته چمتو دي او د مالي مرستو د ویش او هغوی لپاره د لازمو آسانتیاو برابرولو په برخه کې به له هیڅ ډول هلو ځلو څخه ډډه و نه کړي.
