د بادغیس ولایت د ځمکو د غصب د مخنیوي د تخنیکي هیئت د ناستې جوړیدل
د بادغیس ولایت د ځمکو د غصب د مخنیوي د تخنیکي هیئت ناسته د ذوالحجې د میاشتې په ۱ نېټه د دوشنبي په ورځ د دغه هیئت د رئیس او غړو په حضور سره جوړه شوه
په دغې ناسته کې، د دعوا لاندې پر ځمکې د یو لوري له خوا د پستې نیالګیو کینولو په اړه د د ملمنجي او کندلان قومونو دعوا، بررسي شوه او هيئت له داوړو لورو څخه سندونه او شرعي مدارک وغوښتل. یاد هیئت، له دغې ځمکې څخه د مالکانه ګټه اخیستنه منع کړه او ساحې ته د هیئت ورتګ پورې د سندونو تطبیق پرې وځنډول.
په دغې ناسته کې، ملمنجي کلي کې د دوو نورو اشخاصو او د بالامرغاب ولسوالۍ په تنګي بزبای ساحه کې د یو شخص د یوې ټوټې ځمکې موضوع هم بررسي شوه او پریکړه وشوه چې هیئت له ساحې څخه څخه له نږدې لیدنه وکړي.
په همدې حال کې جوند ولسوالۍ ته د تخنیکي هیئت د سفر د راپور په اساس چې تېره اوونۍ ترسره شو، دغه هیئت د یادې ولسوالۍ د ریګي کوریچ د چاهک سیمه بررسي کړه او د عامه څړځای لایحه یې په ساحه کې تطبیق کړه.
په همدې توګه تخنیکي هیئت د عباسیو، ششمنیو او تایمنیو قومونو شخړه بررسي کړه او د قادس او جوند ولسوالیو له سیمه ییزو مسؤلینو او د یادو شویو قومونو له مشرانو سره وکتل. د قومونو مشرانو وویل چې زموږ شخصي ځمکې د عامه څړځای ساحې برخه نیول شوې ده. یاد هیئت د استعلام په ترڅ کې له هغوی څخه سندونه او شرعي مدارک وغوښتل.
