د پروان ولایت تخنیکي هیئت څه باندې ۲۵۰ جریبه ځمکه تثبیت او تشخیص کړه
د پروان ولایت د ځمکو د غصب د مخنیوي تخنیکي هیئت شوال میاشت په ۱۱ نېټه د دوشنبې په ورځ د بګرام ولسوالۍ د خم کلان دوه یمې برخې اړوند د قورخچي، ګادي، کوچیو او کوه ترپ ساحو ته ولاړ او لازم اجراآت یې ترسره کړل.
هیئت لومړی له ځايي خلکو سره وکتل او د تخنیکي هیئت د فعالیتونو او مسوولیتونو په اړه یې هغوی ته معلومات وړاندې کړل. دغه راز هغوی ته یې معلوماتي استعلامونه وویشل.
تخنیکي هیئت د ۲۹ تنو غاصبینو کورونه، کرنیزې ځمکې او د ریګریشن شرکتونه بررسي کړل او ۲۵۱.۸۹ جریبه ځمکه يې تثبیت او تشخیص کړه. د ساحې د تصفيې په منظور د غاصبینو جدول هم بشپړ شو.
