د پکتیا ولایت د اصلاح په مرکز کې د حقوقي پوهاوي ورکوونې برنامه جوړیدل
د پکتیا ولایت د عدلیې ریاست د حقوقي مرستو آمریت د جمادي الاول میاشت په ۲۶ نېټه د سه شنبې په ورځ د حقوقي پوهاوي ورکوونې برنامه ددغه ولایت د اصلاح په مرکز کې جوړه کړه.
دغې برنامه کې، د یاد ریاست د عامه پوهاوي مدیر ښاغلي عالمګیر منګل لخوا ددغه ولایت د اصلاح په مرکز کې د حجز لاندې ماشومانو ته د انسان د حقوقو په اړه پوهاوی ورکړل شو.
په یاده برنامه کې د ژوند حق، د ښوونې او روزنې حق، د سالم چاپریال حق، د روغتیا حق، د اسلامي شریعت له نظره د آزادۍ حق او په درېګونو محکمو کې د دوسیو د نهايي کولو په اړه مفصل معلومات وړاندې شول.
