په هرات ولایت کې د څه باندې ۲ زره ۶۰۰ جریبه امارتي ځمکې تشخیص
د هرات ولایت د ځمکو له غصب څخه د مخنیوي تخنیکي هیئت ناسته د روژې د مياشتې په ۱۶ مه نېټه د یکشنبې په ورځ، د ياد هيئت د رئيس او غړو په ګډون جوړه شوه.
تخنيکي هيئت په دې ناسته کې، د هرات ولایت د پشت کوه ولسوالۍ په خم تومنک ساحه کې د دوه زره شپږ سوه لس (۲۶۱۰)جریبه ځمکې دوسیه تر بحث او بررسۍ لاندې ونيوله او په ترڅ کې یې یاده ځمکه امارتي تشخيص کړه.
همدارنګه په دې ناسته کې د هرات ولایت په بېلابېلو ساحو کې د ځمکو د غصب اړوند یو شمېر نورې دوسیې هم بررسي شوې او په اړه یې لازم تصاميم ونيول.
