په درې ورځنۍ ښوونیزې برنامې کې د بغلان ولایت د عدليې رییس ګډون
د بغلان ولایت د عدلیې رییس مولوي ګل رسول نصرت په درې ورځنۍ ښوونیزې برنامې کې چې ددغه ولایت د اداري اصلاحاتو او ملکي خدمتونو د چارو د انسجام آمریت د دفتر په تالار کې جوړه شوې وه، ګډون وکړ.
په دغې برنامه کې، د ملکي خدمتونو د کارکوونکو قانون، د ملکي خدمتونو د کارکوونو د ذاتي چارو مقرره، د ملکي دریم تر شپږم بست پورې د تعییناتو کړنلاره، رهبري، د کارکوونکو د جراآتو د ارزونې کړنلاره او د رویې د ډول لارښوود د درېو ورځو له پاره تدریس شول.
دغه برنامه د ملکي خدمتونو د ادارو د رییسانو او د خپلواکو ادارو د آمرینو د پوهې د کچې لوړولو او د اسلامي امارت د ملکي خدمتونو له قوانینو، مقرراتو، پالیسېو او کړنلارو سره د آشنا کولو په منظور جوړه شوې وه.
یاده برنامه د جمادي الاول میاشت په ۱۴ نېټه د پنجشنبې په ورځ ددغې برنامې د ګډونوالو له پاره د تصدیق پاڼو په ویش سره پای ته ورسیده او د پای په مراسمو کې یې د بغلان ولایت والي او ورسره مل پلاي او د ملکي خدمتونو د ادارو ۴۵ تنو رییسانو او د خپلواکو د ادارو آمرینو ګډون کړی وو.
په دغې برنامه کې، د بغلان ولایت والي مولوي سمیع الله حزب الله د یادې برنامې ګډونکوونکو ته توصیه وکړه چې هغه څه یې چې په دغې برنامه کې زده کړي دي، د خپلو ادارو د کارونو د ښه والي له پاره وکاروي. دغه راز نوموړي هغوی ته توصیه وکړه چې د اسلامي امارت قوانین، مقررې او پالیسۍ د اداري اصلاحاتو د ادارې له لارې په بشپړ ډول زده کړي.
