پروان ولایت کې څه باندې ۱۲۰ جریبه ځمکه تثبیت او تشخیص شوه
د پروان ولایت د ځمکو د غصب د مخنیوي تخنیکي هیئت د شوال میاشت په ۱۹ نېټه د سه شنبې په ورځ د بګرام ولسوالۍ د خم کلان دویمې برخې اړوند قورخچي او خانقا سیمو ته ولاړ او عملي اقدامات یې ترسره کړل.
دغه هیئت د ۱۸۲۵ کادستري قطعې اړوند د ۳۵ غاصبینو کورونه او کرنیزې ځمکې بررسي کړې، د دغې قطعې پولې یې مشخصې کړې. د دغې بررسۍ په پایله کې ۱۲۰.۷۸ جریبه ځکمه تثبیت او تشخیص شوه.
یاد شوي هیئت، د یادو غاصبینو جدول هم د دغې ساحې د تصفيې په منظور جوړ او بشپړ کړ. دغه راز هيئت یو اندازه کرنیزه ځمکه چې باریکاب سیمې د کوه صافي سړک په اوږدو کې د غاصبینو لخوا غنم پرې کرل شوې ول، د اجارې ورکولو له پاره چمتو کړه او د کوه صافي او بګرام ولسوالۍ پوله کې یې د تاسیساتو له جوړولو څخه مخنیوی وکړ.
دغه راز تخنیکي هیئت د یو بل شخص تاسیسات د باریکاب په خوړ کې ویجاړ کړل او دغې سیمه کې د ۱۰۰ جریبو ځمکو غاصبین چې په غیر قانوني توګه یې تاسیسات جوړ کړي جلب کړل.