عدلیې وزارت د حقوقي مرستو ریاست او د پروان ولایت د مقام ترمنځ د همغږۍ ناسته جوړه شوه
د عدلیې وزارت د حقوقي مرستو رئيس، مولوي جان محمد «محمد طلحه» او ورسره مل پلاوي د ربیعالاول د مياشتې په ۸ مه نېټه د دوشنبې په ورځ پروان ولایت ته سفر کړی او د پروان له والي، مفتي محمد ادریس انوري او د دغه ولایت له نورو سيمهییزو مسؤولينو سره یې د همغږۍ ناسته جوړه کړه.
په دې ناسته کې چې د پروان ولایت د استيناف محمکې د جزا ديوان او د عدلیې رياست مسؤولينو هم ګډون درلود، د عدلیې وزارت د حقوقي مرستو رئيس وړيا حقوقي مرستو ته د بيوزلو زیانمنو، تورنو او شکمنو د لاسرسۍ د څرنګوالي، د عامه حقوقي پوهاوي د برنامو جوړولو او یو شمېر نورو موضوعاتو په اړه خبرې وکړې او مسؤولينو سره یې لازم معلومات شریک کړل.
په دې ناسته کې د پروان والي د عامه حقوقي پوهاوي برنامه د جوړولو او وړيا حقوقي مرستو ته د بيوزلو زیانمنو، تورنو او شکمنو د لاسرسي په برخه کې د حقوقي مرستو رئیس د هر ډول همکارۍ ډاډ ورکړ او د اړوندو ادارو مسؤلينو ته یې هدایت ورکړ چې په دې برخه کې یاد رياست سره لازمې همکارۍ وکړي.
