د کاپیسا ولایت په یو مسلکي انستېتوت کې د حقوقي پوهاوي ورکولو د برنامې جوړول
د کاپیسا ولایت د عدليې ریاست د حقوقي مساعدتونو آمریت د ربیع الاول د میاشتې په ۴ نېټې د سه شنبې په ورځ د یاد ولایت د تخنیکي او مسلکي زده کړو په کثیرالرشتوي انستېتوت کې د حقوقي پوهاوي ورکولو برنامه جوړه کړه.
په دغې برنامې کې د یاد انستېتوت ۶۰ تنو زده کوونکو او ښوونکو برخه اخیستې وه او د شکمن او تورن د حقوقو، د عدلي او قضايي ارګانونو موقف، د اسلام په شریعت کې د اولادونو د روزنې، د ښوونکي د ځانګړتیاو، اخلاص، تقوا، علم، صبر او زغم او د مسؤلیت د احساس په اړه پوهاوی ترلاسه کړ.
د دغه انستېتوت ښوونکو او زده کوونکو د یادې برنامې له جوړونکو څخه مننه او قدرداني څرګنده کړه او په راتلونکي کې هم د دغه راز برنامو د دوام غوښتنه وکړه.
