د کاپیسا ولایت د نجراب ولسوالۍ د امنیې قوماندانۍ مسؤلینو او منسوبینو لپاره د حقوقي پوهاوي ورکولو د برنامې جوړیدل
د کاپیسا ولایت د عدلیې ریاست د حقوقي مساعدتونو آمریت د ربیع الاول د میاشتې په ۱۰ نېټې د دوشنبې په ورځ د دغه ولایت د نجراب ولسوالۍ د امنیې قوماندانۍ مسؤلینو او منسوبینو لپاره د حقوقي پوهاوي ورکولو برنامه جوړه کړه.
په دغې برنامې کې د نجراب ولسوالۍ د امنیې قوماندانۍ ۴۵ تنو مسؤلینو او منسوبینو برخه واخیسته او د شکمن او تورن د حقوقو، د عدلي او قضایي ارګانونو د موقف، د پولیس واک او مسؤلیت، د جرم د کشف، د پېښې د ځای د بررسۍ، په وقایعوي پړاوونو کې د عاجلې رسیدګۍ، د نیولو د ځای د کروکي او ترتیب، د اثباتیه مدارکو راټولولو، د جنايي څېړنو او د توقیف مودې د پای په اړه پوهاوی ترلاسه کړ.
د نجراب ولسوالۍ د امنیې قوماندانۍ مسؤلینو او منسوبینو د یادې برنامې له جوړونکو څخه مننه او قدرداني څرګنده کړه او په راتلونکي کې هم د دغه راز برنامو د جوړیدو غوښتنه وکړه.
