د کابل د امارت د قضایاوو ریاست مسلکي غړو لپاره د څلور ورځني زده کړه ییز سیمینار جوړول
![.](/sites/default/files/2024-01/1_0_0.jpg)
د عدلیې وزارت د بشري سرچینو ریاست د زده کړو او ظرفیت لوړولو آمریت، د رجب المرجب د میاشتې په ۲ نېټه د یکشنبې په ورځ کابل ولایت د امارت د قضایاوو ریاست مسلکي غړو لپاره څلور ورځنی زده کړییز سیمینار جوړ کړ.
په یاد سیمینار کې چې د امارت د قضایاوو د مسلکي او اداري زده کړو تر سرلیک لاندې جوړ شوی دی، د یاد ریاست ۲۲ تنو مسلکي غړو ګډون کړی او د غصب او له هغه سره د مبارزې د لارو چارو، د ځمکو د غصب د مخنیوي قانون او اړوند لایحې، دعوا او د هغې شرایط، د پلان جوړونې او د ادارې د انسجام په چارو کې د اداري مراسلاتو د اهمیت په اړه لازمې زده کړې ترسره کوي.
د دغه سیمینار په پرانیسته کې، د عدلیې وزارت د بشري سرچینو د ریاست د زده کړو او ظرفیت لوړولو آمر مفتي احمد ضیاء خبیب د زده کړه ییزو برنامو د ګټورتوب، اغیزمنتوب او اهمیت په اړه خبرې وکړې او ګډونوالو لپاره یې د بریالیتوب هیله وکړه.
یاد آمریت د ولایتونو د عدلیې ریاستونو د مسلکي کارمندانو د کاري ظرفت لوړولو په موخه له دې مخکې هم، د هېواد په څو زونونو کې دغه راز برنامې جوړې کړې وې.