د ملکي او نظامي ادارو د فعالیتونو د بیالیدنې او اصلاح کمېټې د پکتیا له عدلیې ریاست څخه لیدنه وکړه

د ملکي او نظامي ادارو د فعالیتونو او کړنو د بیالیدنې او اصلاح کمېټې د رجب المرجب د میاشتې په ۱۰ نېټه د دوشنبې په ورځ د پکتیا ولایت له عدلیې ریاست څخه لیدنه وکړه او د یوې ناستې په ترڅ کې یې د یاد ریاست له مسؤولینو او کارمندانو سره خبرې وکړې.

په دې ناسته کې د پکتیا د عدلیې رئیس مولوي محمد رئیس محمدي د ښه راغلاست ویلو ترڅنګ د یادې کمېټې غړو ته، د یاد ریاست د لاسته راړونو او د ستونزو په اړه معلومات وړاندې کړل.

وروسته د یادې کمېټې مسؤولینو د اصولو او قوانینو د رعایتولو، د وخت د مدیرت، په ادارو کې اسلامي اصولو ته د ژمنتیا او له مراجعینو سره د ښه چلند په اړه خبرې وکړې او په دې هکله یې لازمې توصیې وکړې.

دغه راز په یاده ناسته کې د عدلیې ریاست له مدیریتونو څخه د نظارت لپاره یو ګډ ټیم تعیین شو.