د غور ولایت په دولتیار ولسوالۍ کې له ځینو ساحو څخه د یاد ولایت د تخنیکي هیئت لیدنه
د غور ولایت د ځمکو د غصب د مخنیوي تخنیکي هیئت د یاد ولایت دولتیار ولسوالۍ ته سفر وکړ او د دوو کاري ورځو (د ذالقعدې ۱۶ او ۱۷) په ترڅ کې د یادې ولسوالۍ په بېلابېلو برخو کې خپل بررسۍ ترسره کړې.
دغه هیئت له سیمه ییزو مسؤلینو سره وکتل او د دغې ولسوالۍ د دعواو دوسیو په اړه يې له هغوی سره خبرې وکړې.
ورپسې تخنیکي هیئت د یادې ولسوالۍ بېلابېلو ساحو ته ولاړ او د سیمه ییزو مقاماتو او د دعوا د لورو په حضور کې، تر دعوا لاندې ساحې مشاهده او بررسي کړې. هیئت د غې ولسوالۍ له اسکیچک څخه تر کوتل خرس پورې ساحه چې د کوچیانو او پشته نور سیمې د اوسیدونکو تر دعوا لاندې ده، د دواړو لورو سندونو په ساحه کې تطبیق کړل او شینیه سیمه کې د کرنې ریاست اړوند د ځنګلدارۍ ساحې هم تثبیت او جي پي اس کړې.
د دغه هيئت په دوه یمې کارې ورځ، د نور کوه سیمه تر دعوا لاندې ساحې بررسي شوې او د اشخاصو تر دعوا لاندې ساحې ولیدل شوې او په همدې توګه یاد شوي هیئت د دغې سیمې اړوند لامزروع او څړځای ځمکې تثبیت او تشخیص کړې. یاد شوي هیئت د غصب شویو ځمکو اړوند ځیني موضوعات د ولسوالۍ له مسؤلینو سره شریک کړل او هغوی ته یو لړ سپارښتنې هم وکړې.
