د عدليې وزیر د هېواد د رسنیو له یو شمېر مسؤلانو سره وکتل

waheed
چهارشنبه ۱۳۹۹/۱۰/۱۰ - ۱۵:۱۷
.

د عدليې وزیر قضاوتپوه فضل احمد معنوي د هېواد د رسنیو له یو شمېر مسؤلانو سره کتنه وکړه او له هغوی سره د قانون د واکمنۍ د پیاوړتیا او د هېوادوالو د پوهاوي په لاره کې د رسنیو او حکومت ترمنځ د همکارۍ او همغږۍ د اړتیا په اړه خبرې اترې وکړې.

د عدليې وزیر په دې کتنه کې چې د چهارشنبې په ورځې د مرغومي په ۱۰ نېټه تر سره شوه د روڼتیا د تأمین او ځواب ورکونې په موخه د حکومت د فعالیتونو د پوښښ لپاره د رسنیو له کړنو څخه مننه وکړه.

هغه د قانون جوړونې، محکمو پر وړاندې له دولتي شتمنیو څخه د دفاع، د سیاسي ګوندونو د ثبت او بررسي، د ټولنیزو بنسټونو او د معاملو د لارښوونو، د انسان له قاچاق او د مهاجرانو له قاچاق سره د مبارزې او د حقوقي پوهاوي ورکولو په برخو کې د عدليې وزارت د برنامو په لاره کې شته ننګونو ته په اشارې سره په دې برخو کې د اصلاحاتو د رامنځته کولو او د عدالت د تأمین په منظور خپله اراده او برنامې څرګندې کړې.

.

ښاغلي معنوي وویل چې مونږ اطلاعاتو ته د لاسرسي حق ته په درناوي سره، ټولو دغو برخو ته ځواب ویونکي یو او اړتیا ده چې رسنۍ، بنسټونه ځواب ویلو ته مکلف کړي. هغه همداراز له رسنیو څخه غوښتنه وکړه ترڅو خپل اصلاحي نظرونه له دې وزارت سره شریک کړي او په دې وزارت کې له اصلاحاتو څخه ملاتړ وکړي.

د عدليې وزیر زیاته کړه که څه هم امنیتي مسایل د هېواد یو له جدي اندیښنو او له لومړیتوبونو څخه دي خو هیله کېږي ترڅو رسنۍ د عدلي او قضايې بنسټونو په اجراآتو پورې اړوندو موضوعاتو او د عدالت  تأمینولو ته لومړیتوب ورکړي.

.

د هېواد د رسنیو مسؤلان د دې ناستې له جوړونې څخه هرکلی وکړ او دې وزارت سره له خپلې همکارۍ څخه ډاډ ورکړ. همداراز هغوی په دې کتنه کې په قوانینو کې اصطلاحګانو د عام فهم کولو زمینې له رسنیو سره  په هر پړاو کې د قوانینو د شریکولو، د اړیکو د کانالونو د پیاوړتیا او د حقوقي اصطلاحګانو په اړه د پوهاوي د وړاندې کولو په برخو کې خپلې اندیښنې، پوښتنې او وړاندیزونه د عدليې له وزیر سره شریک کړل.

تازه خبرونه

یکشنبه ۱۳۹۹/۱۱/۵ - ۲۲:۲۴
Background image

 د عدليې وزارت د معاملو د لارښوونو او د عریضه لیکونکو د چارو رئیس وپیژندل شو

د عدليې وزارت د مالي او اداري چارو معین ګل محمد ګلزي د دې وزارت د سمون د لوی ریاست د معاملو د لارښوونو او د عریضه لیکونکو د چارو رئيس عبدالهادي امیري قرلق معرفي کړ.

ښاغلي قرلق د آزادې. . .

سه‌شنبه ۱۳۹۹/۱۰/۳۰ - ۱۴:۵۷
Background image

د عدليې وزیر د دې وزارت د کارکوونکو د معاشونو پر یوشان کولو ټینګار وکړ

د هېواد د عدليې وزیر قضاوتپوه فضل احمد معنوي د دې وزارت د رهبرۍ د شوری په ناسته کې د عدليې وزارت د کارکوونو د معاشونو پر عادلانه کولو او یوشان کولو باندې ټینګار وکړ.

د عدليې وزارت د. . .

پنجشنبه ۱۳۹۹/۱۰/۲۵ - ۱۲:۱۷
Background image

د عدليې وزیر په کابل کې د امریکا د سفیر له مرستیال سره د همکاریو د پیاوړتیا په اړه خبرې اترې وکړې

د هېواد د عدليې وزیر قضاوتپوه فضل احمد معنوي په کابل کې د امریکا د سفیر له مرستیال یان مک کری او د هغه له مل پلاوي سره وکتل او د همکاریو د پیاوړتیا په اړه خبرې اترې وکړې.

د عدليې وزیر. . .

BACK TO NEWS