د عدليې وزارت د ټولنیزو چارو معینې د کاپیسا ولایت د عدليې ریاست او د هغه نورې برخې وکتلې
د افغانستان اسلامي جمهوریت د عدليې وزارت د ټولنیزو چارو معینې ډاکترې ذکيې عادلي له ملګري هیئت سره یې کاپیسا ولایت ته سفر وکړ او د دغه ولایت د عدليې ریاست او د اطفالو د اصلاح او روزنې مرکز وکوت.
د عدليې وزارت معینې په هغه غونډه کې چې په همدې موخه جوړه شوې وه، د اړوندو ادارو او د عدليې ریاست ترمنځ په همکارۍ او همغږۍ باندې ټینګار وکړ
هغې د دغه ولایت د عدليې په ریاست کې د شته ستونزو د اوریدو سره چې د کارکوونکو او مراجعینو په واسطه طرحه شوې، اړوندو مسؤلینو ته لازمې لارښوونې وکړې او د لارښوونو د تعقیب او د ادارې د کړنو د ښه والي به برخه کې يې د عدليې د رئيس د جدي اقداماتو غوښتنه وکړه.
