د تېرې یوې میاشتې په اوږدو کې په ۴ ولایتونو کې د څه باندې ۱۶ زره ۵۷۸ جریبه امارتي ځمکې استرداد
د ځمکو له غصب څخه د مخنیوي تخنیکي هیئتونو د ۱۴۴۶ هجري قمري کال د رجب المرجب د میاشتې په اوږدو کې په کندز، غور، نيمروز او ارزګان ولایتونو کې څه باندې شپاړس زره پنځه سوه اته اويا (۱۶۵۷۸) جریبه امارتي ځمکه له بررسۍ او تثبیت څخه وروسته، استرداد کړې او اړوندو ادارو ته یې تسلیم کړې.
د تېرې یوې میاشتې په ترڅ کې تر ټولو زیاته استرداد شوې ځمکه په غور ولایت کې موقعیت لري چې اته زره نهه سوه څلوېښت (۸۹۴۰) جریبه ځمکه پهکې شامله ده.
دغه راز د ځمکو له غصب څخه د مخنیوي تخنیکي هیئتونو د یادې میاشتې په اوږدو کې څه باندې څلورسوه اتهشپېته زره پنځهسوه اتهنوي (۴۶۸۵۹۸) جریبه امارتي ځمکه د افغانستان په ۲۵ ولایتونو کې تثبیت کړې او څه باندې یو ميليونو درېزره پنځه دېرش (۱۰۰۳۰۳۵) جریبه نوره ځمکه هم په ۳۲ ولایتونو کې تر بررسۍ لاندې نیولې ده.
د امارتي ځمکو د بررسۍ، تثبیت او استرداد بهیر په ټولو ولایتونو کې دوام لري او د غصب شویو زرګونو جریبو امارتي ځمکو دوسیې، د ځمکو له غصب څخه د مخنیوي کمېسیون او په ولایتونو کې د یاد کمېسیون د تخنیکي هیئتونو تر بررسۍ لاندې دي.
