د بادغيس ولایت د عدلیې او استیناف محکمې ریاستونو ترمنځ د همغږۍ ناسته جوړه شوه
د بادغيس ولایت د عدلیې رئیس، مولوي عبدالرازق مرزوقي او له هغه سره مل پلاوي د روژې د مياشتې په ۱۸ مه نېټه د سه شنبې په ورځ، د یاد ولایت د استیناف محکمې له رئیس، مولوي عبدالخالق امدادالحق سره د استیناف محکمې د رياست په مقر کې ناسته جوړه کړه.
د عدلیې رئيس په دې ناسته کې وويل چې د دواړو ادارو چارې له یو بل سره تړلي دي، بناً لازمه ده چې د چارو ښه پرمخ وړلو او د ستونزو د حل کېدو په موخه یادې ادارې سره همکارې او همغږې وي.
همدارنګه نوموړي د عدلیې رياست ځينې ستونزې چې، محکمو پورې اړه لري شريکې کړې او د حل په برخه کې یې د همکارۍ غوښتننه وکړه.
په ورته مهال د بادغیس ولایت د استيناف محمکې رئيس مولوي عبدالخالق امدادالحق د شته ستونزو د حل په برخه کې د عدلیې رياست ته د هر اړخیزې همکارۍ ډاډ ورکړ.
