د مدافع وکیلانو د فعالیت جواز د تمدید په اړه د عدلیې وزارت خبرتیا
د اسلامي امارت د عدلیې وزارت هغو محترمو مدافع وکیلانو ته چې د فعالیت جواز مودې څخه یې څه باندې ۴۵ ورځې تېرې شوي، خبر ورکوي چې د هغوی د جواز د تجدید غوښتنلیک د اخیستو بهیر، د ۱۴۰۲ کال د سلواغې د میاشتې په ۱۴ نېټه د شنبې په ورځ پیلیږي او د سلواغې د میاشتې تر ۳۰ نېټې پورې دوام لري.
یاد شوي وکیلان دې تر یادې شوې نېټې پورې خپل غوښتنلیکونه د ځنډ دلیل په څرګندولو او د سندونو او مدارکو په وړاندې کولو سره د عدلیې وزارت د مدافع وکیلانو ریاست ته وسپاري او د ټاکلې نېټې څخه وروسته به یې هیڅ ډول دلیل و نه منل شي.
