په «امید سبز ښارګوټي» کې د غصب شویو ځمکو موضوع اختصاصي محکمې ته سپارل کېږي

hakeem_admin
چهارشنبه ۱۴۰۳/۱/۱۵ - ۱۴:۲
.

د ځمکو له غصب څخه د مخنیوي او د غصب شویو ځمکو کمېسیون د یوې ناستې په ترڅ کې پریکړه وکړه چې د کابل ښار په شپږمه ناحیه کې د امید سبز په ښارګوټي کې د غصب شویو امارتي ځمکو موضوع د امارتي غصب شویو ځمکو قضایاو ته د رسیدګۍ اختصاصي محکمې ته وسپارل شي.

د ځمکو له غصب څخه د مخنیوي او د غصب شویو ځمکو د استرداد کمېسیون ناسته د روژې د میاشتې په ۲۴ نېټه د چهارشنبې په ورځ د عدلیې وزارت سرپرست او د یاد کمېسیون رئیس شیخ الحدیث مولوي عبدالحکیم شرعي په مشرۍ او د کور او ښار جوړلو وزارت د سرپرست مولوي حمد الله نعماني، د کرنې، اوبو لګولو او مالدارۍ وزارت د سرپرست مولوي عطاءالله عمري، د سرحدونو، قومونو او قبایلو وزارت د سرحدونو معین مولوي محمد اسماعیل غزنوي، د سترې محکمې د استازي شیخ  عبدالصمد حقاني، د کرنې وزارت د اراضۍ رئیس مولوي محمود مظلوم، د امارت د قضایاو لوی رئیس او د یاد کمېسیون سکرتر مولوي احسان الله وثیق او د نورو مسؤولینو په ګډون د عدلیې وزارت په مقر کې جوړه شوه.

په دې ناسته کې د کابل ښار په شپږمه ناحیه کې د امید سبز ښارګوټي د ۱۵۹۵ جریبه ځمکې موضوع او یو لړ نور موضوعات بحث او بررسۍ لاندې ونیول شوو.

د کمېسیون او د کابل تخنیکي هیئت د بررسيو له مخې، د امید سبز ښار ګوټي یو اندازه ځمکې په امارتي قطعاتو کې شاملې دي او یو شمېر سندونه هم کمېسیون ته وړاندې شوي دي. په دې اساس کمېسیون پرېکړه وکړه چې موضوع د شرعي او قانوني پرېکړې په موخه د امارتي غصب شویو ځمکو قضیو ته د رسیدګۍ اختصاصي محکمې ته وسپارل شي.

په یاده ناسته کې د هېواد په شمالي ولایتونو کې د عامه څړځای (عامه مرعی) موضوع هم بررسي شوه او یادو ولایتونو ته د استول شوي هیئت راپور د یاد شوي هیئت له خوا وړاندې شو.

د ځمکو له غصب څخه د مخنیوي کمېسیون په دې ناسته کې  د هېواد په بېلابېلو ولایتونو کې د ځمکو د غصب اړوند یو شمېر موضوعاتو په اړه هم بحث وکړ او په هکله یې لازم تصامیم ونیول.

تازه خبرونه

پنجشنبه ۱۴۰۳/۱/۳۰ - ۱۳:۱۲
Background image

د پکتیا ولایت د عدلیې او د ټولګټو چارو رياستونو ترمنځ د همغږۍ ناسته جوړه شوه

د پکتیا ولایت د عدلیې ریاست او د ټولګټو چارو رياست ترمنځ د همغږۍ ناسته د شوال د میاشتې په ۸ مه نېټه د چهار شنبې په ورځ د ټولګټو چارو رياست په مقر کې جوړه شوه.

په دې ناسته کې د پکتیا. . .

پنجشنبه ۱۴۰۳/۱/۳۰ - ۱۱:۲۶
Background image

د ميدان وردک ولایت د عدلیې ریاست او د بهسود ولسوالۍ د یو شمیر مشرانو ترمنځ د همغږۍ ناسته جوړېدل

د ميدان وردک ولایت د عدلیې ریاست او د یاد ولایت د بهسود ولسوالۍ د سفيد ديوار کلي د مشرانو ترمنځ د همغږۍ ناسته د شوال د میاشتې په ۸ مه نېټه د چهار شنبې په ورځ د عدلیې رياست په مقر کې. . .

دوشنبه ۱۴۰۳/۱/۲۰ - ۱۰:۵۰
Background image

تېره اوونۍ په کابل کې ۱۹۱ تنو ته حقوقي عامه پوهاوی وړاندې شو

د عدلیې وزارت د حقوقي مرستو رياست په کابل ښار کې د تېرې اوونۍ په ترڅ کې ۱۹۱ تنو ته حقوقي عامه پوهاوی وړاندې کړی دی.
دغه ریاست په یاده موده کی د حقوقي عامه پوهاوي برنامې د کابل ښار په ۳. . .

BACK TO NEWS