د یونیسف دفتر له مرستیالې سره د عدلیې وزیر لیدنه

waheed
چهارشنبه, مارچ 09 2022 5:11 PM

د افغانستان اسلامي امارت د عدلیې وزارت سرپرست شیخ الحدیث مولوي صاحب عبدالحکیم شرعي، د ۱۴۰۰ د کب ۱۷ د سه شنبې په ورځ، په افغانستان کې د یونسیف دفتر له مرستیالې مېرمن الیس او ور سره  مل پلاوي سره په خپل کاري دفتر کې وکتل او خبرې اترې وکړې.
په دې لیدنه کې، د یونسیف د دفتر مرستیالې له تېر حکومت او عدلیې وزارت سره د دې دفتر له همکاریو څخه یادونه وکړه او وویله چې مونږ غواړو له اسلامي امارت او عدلیې وزارت سره خپلو مرستو ته دوام ورکړو او د هغو قوانینو په ساحه کې چې ماشومانو پورې اړوند کېږي، دغه وزارت سره تخنیکي مرسته وکړو. هغې زیاته کړه چې مونږ راغلې یو څو له ماشومانو څخه د ساتنې په برخه کې له اسلامي امارت او عدلیې وزارت سره ریښتنې همکاري ولرو.
د عدلیې وزارت سرپرست، د ښه راغلاست تر څنګ هغوي ته وویل چې د ماشومانو د حقوقو، ښوونې او روزنې په برخه کې مرسته له ماشومانو سره د مرستو له غوره ډول څخه دي. همداراز هغه د ښځو د حقوقو په هکله وویل چې د افغانستان اسلامي امارت د ښځو د حقوقو مخالف نه دی بلکه د شریعت او د اسلام د سپېڅلې دین پر بنسټ د ښځو د حقوقو پلوی دی. هغه زیاته کړه چې په اسلام کې د ښځو په حقوقو ډیر ټینګار شوی دی او اسلام ښځو ته ډیر حقوق ورکړي دي.
د عدلیې وزارت سرپرست، د یونسف دفتر مرستیالې ته د اوسلو په کنفرانس کې د افغانستان د اسلامي امارت د پلاوي د ګډون او د بهرنیو هېوادونو له استازي سره د تر سره شوي ملاقاتونو په هکله معلومات ورکړ او د افغانستان اسلامي امارت له پرمختګونو څخه هم یادونه وکړه.
د عدلیې وزارت سرپرست د دې وزارت په روغتیایي برخه کې د درمل، داکتر او مجهز امبولانس له کموالې څخه هم یادونه وکړه او په دې زمینه کې د مرستې او همکارۍ غوښتنه وکړه.

تازه خبرونه

شنبه, جنوري 28 2023 3:31 PM
Background image

کابل ولایت کې د معاملو د لارښوونې ۳۲ دفترونه د غیرقانوي فعالیت په دلیل وتړل شول

د عدلیې وزارت د معاملو د لارښوونې او د عریضې لیکوونکو د چارو ریاست د ۱۴۰۱ کال د مرغومي میاشت په ترڅ کې د معاملو د لارښوونې له ۱۹۵ دفترونو څخه په کابل ولایت کې نظارت او بررسي ترسره کړه. . .

شنبه, جنوري 28 2023 3:22 PM
Background image

دایکندي او سرپل ولایتونو کې څه دپاسه ۱۴۳ جریبه ځمکه امارتي تثبیت شوه

د دایکندي او سرپل ولایتونو د ځمکې د غصب د مخنیوي تخنیکي هیئتونو دغو ولایتونو کې له ځینو سیمو څخه لیدنه وکړه او څه دپاسه ۱۴۳ جریبه ځمکه امارتي تثبیت کړه.

د دایکندي ولایت تخنیکي  هیئت. . .

پنجشنبه, جنوري 26 2023 1:14 PM
Background image

نږدې ۸۷۰۰۰ جریبه ځمکه بادغیس ولایت کې بررسي شوه

د بادغیس ولایت د ځمکې د غصب د مخنیوي تخنیکي هیئت دغه ولایت کې له ځینو ساحو څخه لیدنه وکړه او ځمکې يې بررسي کړې.

یاد هیئت لامان او بند سبزک کلیو ته ولاړ او د پشته لامان ځمکې يې چې په. . .

BACK TO NEWS