د لغمان ولایت د عدلیې ریاست او استیناف محکمې ترمنځ د همغږۍ ناسته ترسره شوه
د لغمان ولایت د عدلیې رئیس، مولوي عبدالستار حماس د ذوالقعدې د مايشتې په ۱۰مه نېټه د دوشنبې په ورځ، د استیناف محکمې له رئیس، شیخ سخي الرحمن فائز فيروز کوهي سره د همغږۍ ناسته ترسره کړه.
په دې ناسته کې چې د عدلیې ریاست یو شمېر نورو مسئولینو هم ګډون درلود، د محکمې له لورې د امارت د قضایاوو اړوندو د نهایي شویو دوسيو او په محکمو کې د حقوقي مساعدینو او د امارت د قضایاوو د آمريتونو د یو شمېر ستونزو په اړه هر اړخیز بحث او خبرې وشوې.
په ورته مهال، د لغمان ولایت د استیناف محکمې رئیس د عدلیې ریاست سره د هر اړخیزې همکارۍ ژمنه وکړه او په راتلونکې کې یې د ورته ناستو پر دوام او د لا زیاتو همکاريو او همغږيو پر پیاوړتیا ټینګار وکړ.
