د ننګرهار عدليې ریاست د ښاري او نظامي ابتدائيه محکمو له مسؤولینو سره د همغږۍ ناسته وکړه
د ننګرهار ولایت د عدليې رئيس مولوي محمد رئیس محمدي او ورسره مل پلاوي د ذیالحجې د میاشتې په ۲۷ مه نیټه د سهشنبې په ورځ د ښاري او نظامي ابتدائيه د محکمو له مسؤولینو سره د همغږۍ بېلابېلې ناستې وکړې.
په دغو ناستو کې د قضیو د تفکیک، په ټاکل شوي وخت د قضیو څېړل او حلول او د عدليې ریاست او د محکمو ترمنځ د لا زیاتو همغږیو او همکاریو په اړه بحث او خبرې وشوې.
د ښاري او نظامي ابتدائيه محکمو مسؤولینو ټینګار وکړ چې دا ډول ناستې باید دوامداره وي او ژمنه یې وکړه چې د عدليې ریاست سره به هر ډول همکاري کوي
