د کنړ ولایت دعدلیې رياست او یو شمېر عريضه ليکونکو ترمنځ د همغږۍ ناسته ترسره شوه
د کنړ ولایت د عدلیې رئیس، مولوي روح الله روحاني د شعبان د مياشتې په ۱۶ مه نېټه، د چهارشنبې په ورځ، د دغه ولایت له یو شمېر عريضه ليکونکو سره د عدلیې رياست په مقر کې د همغږۍ ناسته ترسره کړه.
په دې ناسته کې چې د عدلیې ریاست یو شمېر نورو مسؤولینو هم ګډون درلود په ترڅ کې یې د عدلیې رئیس ټینګار وکړ چې عريضه ليکونکي دې د عریضه ليکنې پر مهال پوره دقت څخه کار واخلي، په خپل وخت دې د فعاليت جواز تمدید کړي، خلپ کارونه په شفاف ډول پرمخ یوسي، اصول او قوانین رعایت کړي او مطالب دې په دقیق ډول ولیکي.
په دې ناسته کې د کنړ ولایت عريضه ليکونکو هم يو شمېر کاري ستونزې شرېکې کړې چې د حل په برخه کې د عدلیې رياست د مسؤولينو له لوري ورته ډاډ ورکړل شو.
