په پکتیا ولایت کې له ۹ دارالوکالو څخه نظارت ترسره شو
د پکتیا ولایت د عدلیې رياست نظارتي پلاوي، د جمادیالأولی د مياشتې په ۱۸مه نېټه د یکشنبې په ورځ، په یاد ولایت کې له ۹ دارالوکالو څخه نظارت ترسره کړ او د هغو فعالیتونه یې بررسي کړل.
نظارتي پلاوي د دغه نظارت په ترڅ کې د یادو دارالوکالو دفترونه، جوازلیکونه، د هويت کارتونه، لوحې او یو شمېر نور سندونه بررسي کړل.
مؤظف پلاوي، د یادو دارالوکالو نیمګړتیاوې مشخصې کړې او د ستونزو او نیمګړتیاو د لرې کولو په هکله یې د هغو متصدیانو ته لازمې توصیې وکړې.
د پکتیا ولایت د عدلیې رياست په دوامداره توګه په یاد ولایت کې له اړوندو برخو څخه نظارت ترسره کوي ترڅو له غير قانوني فعالیتونو څخه مخنيوی وشي.
