د شمال زون د مدافع وکیلانو آمریت او د بلخ ولایت د مدافع وکیلانو ترمنځ د همغږۍ ناسته جوړیدل
د شمال زون د مدافع وکیلانو آمریت د ذوالقعدې د میاشتې په ۹مه نېټه د چهارشنبې په ورځ، د بلخ ولایت له یو شمېر مدافع وکیلانو سره د همغږۍ ناسته وکړه.
دا ناسته د بلخ ولایت د عدلیې ریاست په تالار کې جوړه شوه، چې پهکې د مدافع وکیلانو تر منځ د لازیاتې همغږۍ، د مدافع وکیلانو د انسجام طرزالعمل له مخې د چارو د ترسره کولو، د مالیاتو تصفیې اړوندو مسایلو، د عوایدو د ثبت کتاب او د چارو ښه تنظیم په اړه بحث وشو.
په دې ناسته کې مدافع وکیلانو هم خپلې ستونزې د شمال زون د مدافع وکیلانو آمریت له مسؤولینو سره شریکې کړې، چې د حل ډاډ په برخه کې هغو ته ډاډ ورکړل شو.
