د تخار د ځمکو له غصب څخه د مخنیوي تخنیکي هیئت د یاد ولایت له والي سره وکتل
د تخار ولایت د ځمکو له غصب څخه د مخنیوي تخنیکي هیئت د ربیعالثاني د میاشتې په ۲۴ نېټه د یکشنبې په ورځ د تخار له والي مولوي عبیدالله امینزاده سره وکتل او له نوموړي سره یې د ځمکو د غصب اړوند موضوعاتو په اړه خبرې وکړې.
په دې کتنه کې چې د تخار ولایت د مقام په مقر کې ترسره شوه، تخنیکي هیئت د یاد ولایت له والي سره یو لړ موضوعات او ستونزې شریکې کړې او د حل په برخه کې د همکارۍ غوښتنه وکړه.
د تخار والي هم د ځمکو د غصب د مخنیوي له تخنیکي هیئت سره د ولایت د مقام پر دوامدارې همکارۍ ټینګار وکړ او د ستونزو د حل په برخه کې یې لازمې لارښوونې وکړې.
دغه راز په همدې ورځ د ځمکو له غصب څخه د مخنیوي تخنیکي هیئت نوبتي ناسته هم ترسره شوه او د ځمکو د غصب اړوند ځیني موضوعات پهکې تر بحث او بررسۍ لاندې ونیول شول.
