پنجشیرکې پر کابو ۶.۳ جریبه ځمکه باندې د اختصاصي محکمې پرېکړه تطبیق شوه
د پنجشیر ولایت د ځمکو له غصب څخه د مخنیوي تخنیکي هیئت د ربیع الثاني د میاشتې په ۶ نېټه د یاد ولایت عنابې ولسوالۍ ته ولاړ او د مرکز زون د امارتي غصب شویو ځمکو قضیو ته د رسیدګۍ اختصاصي محکمې قضايي قرار یې پر شپږ اعشاریه دوسوه نههنوي (۶.۲۹۹) جریبه ځمکه تطبیق کړ.
یاده ځمکه د عنابې ولسوالۍ په بارخم فراج کلي کې موقعیت لري او د یادې اختصاصي محکمې د قضايي قرار پر اساس «خاصه مرعی» بلل شوې چې کلي ټول اوسیدونکي پهکې حق لري.
هیئت د عنابې ولسوالۍ د بارخم فراج کلي له اوسیدونکو سره په کتنه کې د محکمې پرېکړه هغوی ته ابلاغ کړه او وروسته له هغی یې د یادې ځمکې مساحت مشخص کړ او ساحه یې د هغې لومړنۍ حالت ته راوګرځوله.
