په غور ولایت کې د څه باندې ۶۵۰ جریبه امارتي ځمکې تثبیت
د غور ولایت د ځمکو له غصب څخه د مخنیوي تخنیکي هیئت ناسته، د ربیع الثاني د مياشتې په ۵ مه نېټه د سه شنبې په ورځ، د یاد هيئت د رئيس او غړو په ګډون ترسره شوه.
د تخنيکي هئيت د یادې ناستې په ترڅ کې د غور ولایت د مرکز ولسوالۍ اړوند په کاسي کلي کې د شپږ سوو شپږ پنځوس (۶۵۶) جریبه ځمکې دوسیه چې له دې وړاندې د مؤظف هئيت له لورې بررسي شوې وه، تر بحث لاندې ونيول شوه او په ترڅ کې یې یاده ځمکه امارتي تثبیت او تشخیص شوه.
تخنيکي هئيت پرېکړه وکړه چې د یادې ځمکې دوسیه دې بشپړه شي او د وروستۍ پرېکړې په موخه دې مرکزي کمېسيون ته واستول شي.
همدارنګه په ياده ناسته کې د غور ولایت د بېلابېلو ساحو د غصب شويو ځمکو اړوند یو شمېر نورې دوسیې هم بررسي شوې او په اړه یې لازمې پرېکړې وشوې
