په پکتیا ولایت کې د ۲ دارالوکالو تړل کېدل
د پکتیا ولایت د عدلیې رياست د مدافع وکيلانو آمريت نظارتي پلاوي، د صفر المظفر د مياشتې په ۲۵ مه نېټه د پنجشنبې په ورځ، ګردیز ښار کې د یو شمېر مدافع وکیلانو او دارالوکالو له فعالیت څخه نظارت او بررسي ترسره کړ.
د یادې بررسۍ په ترڅ کې ۲ دارالوکالې چې په غير قانوني بڼه یې فعاليت ترسره کاوه، وتړل شوې او د پاتې نورو دارالوکالو مدافع وکيلانو ته د نظارتي پلاوي لهخوا د کاري چارو ښه پرمخ وړلو او د نيمګړتیاو لرې کولو په موخه لازمې توصیې وشوې.
د پکتیا ولایت، عدلیې رياست په دوامداره توګه په یاد ولایت کې له دارالوکالو څخه نظارت ترسره کوي ترڅو د غير قانوني فعالیتونو مخنیوی وشي.